ମା ନାହିଁ ଉପମା
ମା ନାହିଁ ଉପମା
1 min
7.1K
ମାତା ରାଣୀ ଜଗଦମ୍ବେ ଅମ୍ବିକେ ଉମା
ମାନସିକ ପୂର୍ଣ୍ଣ କର ଶଂକର ବାମା ।
ମାରିଛ ମହିଷାସୁର ଶୂଳ ହସ୍ତେ ମା
ମାହେଶ୍ଵରୀ ଶକ୍ତି ସ୍ୱୟଂ ନାହିଁ ଉପମା ।
ମା ରକ୍ତବୀର୍ଯ୍ୟ ଚଣ୍ଡମୁଣ୍ଡ ଭାବିଲେ ରାମା
ମାତଂଗୀ ଶକତି ଜାଣି ନଥିଲେ ଜମା ।
ମାତୃଭକ୍ତି ରାମଂକର ନୋହି ଅକର୍ମା
ମାରିବେ ରାବଣ ଦେଲ ଏହି ବର ମା’ ।
ମାତା ତବ ନିରାଜନା ପାର୍ବଣୋପମା
ମାତି ଉଠେ ଧରା ନବରାତ୍ର ପାଳି ମା’ ।
ମାତା ପରମ ବୈଷ୍ଣବୀ ଶୈଳପୁତ୍ରୀ ମା’
ମା' ପାଶେ ଶରଣ ଗଲି ଜାଣି ମହିମା ।
ମାରିବ ଅବା ରଖିବ ତ୍ର୍ୟମ୍ବକେ ଉମା
ମାତା ପିତା ଭ୍ରାତା ସଖା ସବୁ ତୁମେ ମା ।
ବିଶ୍ଵେଶ୍ୱର