ଜନମ ଦିନର ଶୁଭକାମନା
ଜନମ ଦିନର ଶୁଭକାମନା
ଜନମ ଦିନର ଶୁଭକାମନାଟି
ଗ୍ରହଣ କରିବୁ ମୋର,
ବିଭୁ କରୁଣାରୁ ସକଳ କାର୍ଯ୍ୟରେ
ସଫଳତା ମିଳୁ ତୋର।
ଦିବ୍ୟ ଆନନ୍ଦରେ ପୂରି ଉଠୁ ମନ
ଘର ଆଉ ପରିବାର ,
ସାହସ,ଶକତି,ସ୍ଵାଭିମାନ ଯେତେ
ଥାଆନ୍ତୁ ସାଙ୍ଗରେ ତୋର ।
ମୋ ଅନ୍ତରର ଅନନ୍ତ ଆଶିଷ
ସମରପି ଦେଲି ତୋତେ,
ତୋହ ଭଳି ସୁନା ଭାଇ ମିଳୁଥାଉ
ପ୍ରତି ଜନମରେ ମୋତେ ।
ମିଳୁ ସଉଭାଗ୍ୟ,ସୁଖ ଓ ସନ୍ତୋଷ
ଦୂରହେଉ ଯେତେ ବାଧା,
କରୁଣାମୟଙ୍କ ଅପାର କରୁଣା
ଥାଉ ପାଖେ ତୋର ସଦା ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।