Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanta kumar Hota

Inspirational

3  

Prasanta kumar Hota

Inspirational

କବି ପଣେ କବିତା

କବି ପଣେ କବିତା

1 min
6.7K


ହେଉଛି ମୁଁ କବି ଦେବି ମୁଁ ପ୍ରସବି

ସାହିତ୍ୟ କବିତା କଥା

କିଏ ବୁଝୁ ଅବା ନବୁଝୁ ତାହାକୁ

ଲେଖା ଦେଉ ଥାଉ ବ୍ୟଥା ।


ଲେଖିବି କବିତା କେତେ ଭାଷା ଦେଇ

ହେବକି ହିରଣ୍ୟ ହୁଦା

କିଏ ଜାଣେ କବି କବିତା ପ୍ରସଙ୍ଗ

ଓଡିଆ ସଭିଙ୍କୁ ବାଧା ।


ସାହିତ୍ୟ ପ୍ରସାରେ ବହିବି ବିସ୍ତାରେ

ଲେଖା ହୁଏ ବିବାସିତା

ନାଆ ଫଳିଯାଏ ଫଳକ ଉପରେ

କିଏ ପଢେ କାର ଚିନ୍ତା ।


ଅନ୍ତରେ ଅନ୍ତରେ ହୁଅନ୍ତି ଆତୁରେ

ହେବା ପାଇଁ ଅନିନ୍ଦିତା

କହିଦେଲେ କିନ୍ତୁ ବାଧିଯାଏ ଭାରି

ପ୍ରତି ପଦେ ଦିଶେ ବ୍ୟଥା ।


ଜଳାଶୟ ଯାହା କାଷାର କହିବି

ଏତେ ଜ୍ଞାନ ମୋର ନାହିଁ

ଆଶାର ଆଶ୍ରୟ କବିପଣେ ଶ୍ରେୟ

ଅର୍ବାଚୀନ ଯାହା ହୋଇ ।


ମୋର ଚତୁର୍ପାର୍ଶ୍ଵ ଦେଖି ଦୀର୍ଘଶ୍ବାସ

ନେଉଥାଏ ନୂଆ ହୋଇ

ସୁଷମା ସୁରମା ଉପମାକୁ ଦେଇ

କବି ପଦ ବୋଲୁଥାଇ ।


ସାହିତ୍ୟ ସଦୁକ୍ତି ଦେଲେ ହେଁ ବିରକ୍ତି

ଦୂରକରେ ନରେତରେ

ଯଥା ବାଦ୍ୟକାର ସଂଗୀତ ନିର୍ଝର

ବିଚ୍ୟୁତ ହେଲେ ଅନ୍ତରେ ।


ଉତର ଜନରେ ଅଧିକ ଆସରେ

ଲେଖା ହେଉଥିଲେ ବୁଝି

ସାହିତ୍ୟ ରସରେ ସଜ୍ଜନ ଆଦରେ

ଅର୍ଥ ଥିଲେ ଅନହଜି ।


ପ୍ରଶାନ୍ତ କୁମାର ହୋତା


Rate this content
Log in