Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Mamatamanjari Das

Others

2  

Mamatamanjari Das

Others

ହସନ୍ତା ମଶାଣି ଭୂଇଁ

ହସନ୍ତା ମଶାଣି ଭୂଇଁ

1 min
1.4K


ମଶାଣି କାନ୍ଦୁଛି ଆକୁଳ ଅନ୍ତରେ

ଆଖିରୁ ଝରେ ତା' ଲୁହ,

କେହି କେବେହେଲେ ଦେଖିଛକି କୁହ

ତା' ବୁକୁ ତଳର କୋହ ?

ଷୋହଳ ସଂସ୍କାର ମାନବ ଜୀବନେ

ଏଇ ଧରା ପରେ ହୁଏ,

ଶେଷ ସଂସ୍କାରଟି ମଶାଣି ଭୂଇଁରେ

ଡହ ଡହ ନିଆଁରେ ପରିସମାପ୍ତି ପାଏ ା

ଶବକୁ ସଂସ୍କାର କରିଦେଲା ପରେ

ମଶାଣିକୁ ଯାଅ ଭୁଲି,

କୁଢ କୁଢ କାଠ ଅଙ୍ଗାର ପାଉଁଶ

ତାକୁ ଛାଡି ଆସ ଚାଲି ।

ସେଇ ମଶାଣିରେ ଗଛଟିଏ ଲଗାଇ

ତା'ର ଯତ୍ନ ଯଦି ନିଅନ୍ତ,

ଶବଟିଏ ଯଦି ସଂସ୍କାର କରନ୍ତ

ତା' ମୂଳରେ ତୁମେ ଛାଇକି ନ ପାଆନ୍ତ ?

ତୁଳସୀ ଲଗାଇ କୁସୁମ ଫୁଟାଇ

ଉପବନ ଯଦି କରନ୍ତ,

ମଶାଣିକୁ ଆଉ ଡର ନ ଥାଆନ୍ତା

ତୁମେ ତୁଳସୀ ତୁଳସୀ ବାସନ୍ତ ।

ସେ ଛାଇରେ ଟିକେ ବସିଗଲେ ତୁମେ

ପୂର୍ବଜଙ୍କୁ ମନେ ପକାଇ,

ସବୁ ଦୁଃଖ ତୁମ ଲାଘବ ହୁଅନ୍ତା

ହସନ୍ତା ମଶାଣି ଭୂଇଁ ା


Rate this content
Log in