ତୁମ ପ୍ରିୟସଖୀ କୃଷ୍ଣା
ତୁମ ପ୍ରିୟସଖୀ କୃଷ୍ଣା
କେଶବ ହେ ମୋତେ କରିନିଅ ଥରେ
ତୁମ ପ୍ରିୟସଖୀ କୃଷ୍ଣା ,
ଏ ଜୀବନେ ମୋର ଖେଳିଯିବ ଦେବ
ସଦ୍ୟ ଶେଫାଳିର ବାସ୍ନା।
ତୁମ ସହ ମୋର ଅଛି ଯେଉଁ ଭାବ ,
ମୁହଁ ଖୋଲି କିବା କହିବାକୁ ହେବ !
ଡାକିବି ହେ ସଖା,ମୋ ପ୍ରାଣ ବାନ୍ଧବ
ମେଣ୍ଟିଯିବ ସବୁ ତୃଷ୍ଣା ।
କେଶବ ହେ ମୋତେ କରିନିଅ ଥରେ
ତୁମ ପ୍ରିୟସଖୀ କୃଷ୍ଣା ।
ତୁମେ ଇଚ୍ଛାକଲେ ମୋ ଜୀବନ ପଥ,
ଅନ୍ଧାର ନ ହୋଇ,ହେବ ଆଲୋକିତ!
ତନୁ,ମନ ସଦା ହେବ ପୁଲକିତ
ଝରିଲେ କରୁଣା ଜ୍ୟୋତ୍ସ୍ନା।
ଏ ଜୀବନେ ମୋର ଖେଳିଯିବ ଦେବ
ସଦ୍ୟ ଶେଫାଳିର ବାସ୍ନା ।
କେଶବ ହେ ମୋତେ କରିନିଅ ଥରେ
ତୁମ ପ୍ରିୟସଖୀ କୃଷ୍ଣା ,
ଏ ଜୀବନେ ମୋର ଖେଳିଯିବ ଦେବ
ସଦ୍ୟ ଶେଫାଳିର ବାସ୍ନା।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।