Library
ଏ ଆଖିକୁ ଭରଷା କରିବ କିଏ
ଏ ଆଖିକୁ ଭରଷା କରିବ କିଏ
1 min
479
ଏ ଆଖିକୁ ଭରଷା କରିବ କିଏ ??
କେବେ କାନ୍ଦୁ କାନ୍ଦୁ ହସିଦିଏ
କେବେ ହସୁ ହସୁ କାନ୍ଦି ଦିଏ ।
ସୁନେଲି ସକାଳେ ହଳଦୀ ସ୍ନାହାନେ
ମଧୂଝରା ଗୀତ ଗାଏ
ପ୍ରିୟତମ ପ୍ରିତି ଫଗୁ ଅବିରରେ
ସାରା ଅଙ୍ଗ ବୋଳିହୁଏ ।
ପୁଣି, ଲୋତକ ନିଗାଡୁ ଥାଏ
ପହିଲି ପୁଲକେ ମଧୁକର ସ୍ପର୍ଶ
ମଧୁ ଯେବେ ଲୁଟିନିଏ ।
ଏ ଆଖିକୁ ଭରଷା କରିବ କିଏ ??
ଲାଜର କଜଳ ଆଖି ପଥଧାରେ
ନଇଁ ନଇଁ ଯେବେ ଯାଏ
ଚାହାଣୀ କମାଣ ନରମ ହୃଦୟ
ଛାତି ଚିରି ନିତି ଧାଏଁ ।
ଏ ଆଖିଟି ଅବୁଝା ହାଏ
ଯେତେ ପଢିଲେ ବି ପ୍ରେମ ବର୍ଣ୍ଣବୋଧ
ନିତି, ଅଧ୍ୟାୟ ପ୍ରାରମ୍ଭ ହୁଏ ।
ଏ ଆଖିକୁ ଭରଷା କରିବ କିଏ ??
ଆଖି ହିଁ ଦେଖାଏ କେତେ ସତ ମିଛ
ନିଜଠୁ ନିଜର ଯିଏ
ସେଇ ଆଖି ପୁଣି ସାତପର କହି
ଧୋକ୍କା ଦେଇ ଚାଲିଯାଏ ।
କରୁଣ ରାଗିଣୀ ବହେ
ମଧୂବନ କୁଞ୍ଜ କାନନେ ବିକ୍ଷିପ୍ତ
ବାତୁଳ ରାଧିକା ପ୍ରାୟେ ।
ଏ ଆଖିକୁ ଭରଷା କରିବ କିଏ ??
କେବେ କାନ୍ଦୁ କାନ୍ଦୁ ହସିଦିଏ
କେବେ ହସୁ ହସୁ କାନ୍ଦି ଦିଏ ।
