କୁହ ପ୍ରଭୂ ମୁଁ କି କରିବି !

ଭାବିଥିଲି ଶୁଭ ଶଙ୍ଖେ ଜଳ ଢାଳି

ପଦ୍ମଶ୍ରୀ ଚରଣ ଧୋଇଦେବି।

ଶଙ୍ଖ ହଜିଗଲା, ଜଳ ସରିଗଲା

କୁହ ପ୍ରଭୂ ! ମୁଁ କି କରିବି ?

ଭାବିଥିଲି କଳା ତୁଳସୀ ମାଳରେ

ତୁମରି ହୃଦୟ ସଜେଇବି।

ତୁଳସୀ ରୁଷିଲା, ହୃଦୟ ହଜିଲା

ମନ ମରିଗଲା,କି କରିବି ?

ଭାବିଥିଲି ରକ୍ତ ଚନ୍ଦନ ଟୀକାରେ

ତୁମରି କପାଳ ମଣ୍ଡିଦେଵି।

ମୋ' କପାଳ ଫଟା,ଚନ୍ଦନ ବଗିଚା

ଦୂରେଇଲା, କୁହ କି କରିବି ?

ଭାବିଥିଲି ଶୁଭ୍ର ପଦ୍ମ ପାଖୁଡ଼ାରେ

ତୁମ ମନ୍ଦିରକୁ ସଜେଇବି।

ନୟନରୁ ତୁମ,ପଦ୍ମ ଛୋଟ ହେଲା

ଆଉ କି ସପନ ମୁଁ ଦେଖିବି !