Library
ଦୁତି ତୁମେ ଚାନ୍ଦର ଚାନ୍ଦିନୀ
ଦୁତି ତୁମେ ଚାନ୍ଦର ଚାନ୍ଦିନୀ
ଦୁତି ତୁମେ ଚାନ୍ଦର ଚାନ୍ଦିନୀ
ସ୍ନେହର ଆଶିଷ କରିବ ଗ୍ରହଣ
ଦୁତି ତୁମ କୃତି ପାଇଁ
କବିଟିଏ ବୋଲି ଲେଖୁଛି ମୁଁ ଆଜି
ଶୁଭ ଆଶୀର୍ବାଦ ଦେଇ !
ମାଆ ଭାରତୀର ସୁକନ୍ୟା ରତନ
ନାମ ତଵ ଦୁତି ଚାନ୍ଦ
ଉତ୍କଳ ପ୍ରଦେଶେ ଜନମିଛ ତୁମେ
ରଖିବାକୁ ଦେଶ ଟେକ !
ଏ ସାରା ବିଶ୍ୱରେ ଦୁତି ଚାନ୍ଦ ହସେ
ବିଜୟର ଗାଥା ଗାଇ
ଶ୍ରେଷ୍ଠ ପ୍ରଦର୍ଶନେ ଉତ୍କଳ ମା’ କହେ
ଦୁତି ମୋ ରୌପ୍ୟର କଇଁ !
ଘାତ ପ୍ରତିଘାତ ତା'ପରାଣ ମିତ
ତଥାପି ସେ ହାରି ନାହିଁ
ଦୃଢ ମନୋବଳା ସେ ମହା ଧାବିକା
ଲୁହ ଲହୁ ଦିଏ ପିଇ !
ମିଥ୍ୟା ଆରୋପରେ କଟକଣା କେତେ
ଏ ଦୁହିତା ଦୁଲଣି ପାଇଁ ;
ପୁରୁଷର ଶକ୍ତି ଅଛି ବୋଲି କହି
କଲେ ହତାଦର ଭାଇ !
ସଂଘର୍ଷେ ଉତ୍କର୍ଷେ ଦୁତି ନାମ ଭାସେ
ସଦା ଅଛି ପ୍ରଭୁ କୃପା !
ମିଥ୍ୟାର ପ୍ରଲେପ ନୁହେଁ ସବୁଦିନ
ଦୁତି ହିଁ ସ୍ୱର୍ଣ୍ଣିମ ରୂପା !
ଏସିଆ ସମରେ ଦୁତିଟା ଝଟକେ
ବଳିଷ୍ଠ ପ୍ରମାଣ ଦେଇ !
ରୌପ୍ୟର ପଦକ ବିଜୟ ସନ୍ତକ
ହୃଦୟକୁ ଦିଏ ଛୁଇଁ !
ହେ ଶ୍ରେଷ୍ଠ ଧାବିକା ସ୍ନେହିଁ ମାଳବିକା
ଯଶ କିର୍ତ୍ତୀ ଅର୍ଜ ସଦା
ଶୁଭ ଆଶୀର୍ବାଦ କରୁଛି ଏ ଦେଶ
ଧରିଥା' ବିଜୟ ଝଣ୍ଡା !
ଅଭାବ କଷଣ ସବୁ ଦୂର ହେବ
ଅଚିରେ ଘୁଞ୍ଚିବ ଦୁଃଖ ;
ହୃଦୟର ସହ ଘେନ ଏ ସୌହାର୍ଦ୍ଦ୍ୟ
ଆସିବ ସୁଦିନ ସୁଖ !!
ସଦାନନ୍ଦ ସାହୁ ; ଧୁରୁଷିଆ ; ଆଠଗଡ଼ ; କଟକ
