ସଙ୍ଗୀତ
ସଙ୍ଗୀତ
ନୀଳକଣ୍ଠ ଦାସ
(ରାଗ-ମାୟାମାନବ ଗୌଡ଼ା)
ସମୀରଣ ବହଇ ମରମରି
ମରମରେ ପୂରଇ ଗିରିଦରୀ;
ମରମରେ ପୂରଇ ପରାଣ ରହି ରହି,
କାହିଁ ଯାଉଛି ବହି ଥରିଥରି ?
ଅରୁଣେ ହସି ହସି ଉଠଇ ନଭେ ଶଶୀ
ସରଗ-ଚୂଳେ କର ଦିଶଇ ପରକାଶି
ମଲ୍ଲିକା ଉପବନେ ଚାହିଁ ଅଛି ଗଗନେ
ଛଳ ଛଳ ତା’ ଦଳ ହିମେ ଭରି
ଫୁଟି ତାରା ଗଗନେ ସୁମନପରି ବନେ
ଫୁଟନ୍ତି ଲୁଚି ଲୁଚି ଡରି ଖର ତପନେ
ଭାସି ଭାସି ଗଗନେ ଭେଦି ସେ ସମୀରଣେ
ମଉନେ ଯାଏ ପଡ଼ି, କେତେ ଜଳି
ସରଗୁ ସୁଧା ଝରି ଫୁଟେ ଜୋଛନା ଶିରି
ଅନନ୍ତ ନଭେ ରସି ଯାଉଛି ତାରା ଜଳି
ସମୀର ମରମରେ ଥରିଥରି ପ୍ରସରେ
ପୁଲ ହିମେ ତରଳି ପଡ଼େ ଝରି
ବହେ କି ସମୀରଣ ଥରି ଯାଏ ମରମ
କେଉଁ ନଭସ ଆଶେ ଜଳି ଉଠଇ ପ୍ରାଣ
ମିଶିଯିବ କି କେହି ନଭସେ ତାରା ହୋଇ
କି ବୁଝି ଯାଏ ଜନ ଶୂନ୍ୟେ ଧରି ?
ସମାପ୍ତ