ଚକ୍ଷୁଷ୍ମାନ
ଚକ୍ଷୁଷ୍ମାନ
1 min
13.3K
ଆଖିରେ ଅନ୍ଧପୁଟୁଳି ବାନ୍ଧି
କେତେ ଦିନ ଆଉ ଅଭିନୟ କରିଥାଆନ୍ତି ଅନ୍ଧତ୍ବର
ଅନ୍ୟ ଆଖିରେ ଧରା ପଡ଼ିବା ପୂର୍ବରୁ
ନିଜକୁ ନିଜେ ଧରାପକେଇ ଦେଲି ତ
କଣ ଅପରାଧ କଲି ?
ବେଶ୍ ହୋଇଗଲା ଦେଖି ବି ନଦେଖିବାର ଛଳନା
ଜାଣି ବି ନଜାଣିବାର ମିଛ ବାହାନା
ସୀମା ପାର ହୋଇଗଲା ଛାତି ତଳ ସହନଶୀଳତା ।
ସହି ପାରିଲିନି ବୋଲି ତ ଖୋଲିଦେଲି ମୁହଁ
ନିମିଷକେ ଘଟିଗଲା ଅଣଚାଷ ବିସ୍ଫୋରଣ,
ଉଜୁଡି ଗଲା ବର୍ଷ ବର୍ଷର ସମ୍ପର୍କ
ହଁ -ଶେଷ କଥାଟା କହିଦିଏ
ଜୀବନ ଜୀଇଁବାର ସଂଘର୍ଷରେ ଯଦି କେବେ ହାରିଯାଏ
ସାହାଯ୍ୟର ହାତ ଲମ୍ବେଇ
ଦୟାକରି ଦୟା ଦେଖାଇବନି ମତେ
କଟା ଘା’ରେ ଚୂନ ଲେପିବନି
ଅନ୍ତତଃ ମୁଁ ଶାନ୍ତିରେ ମରିବି । ।