ତୁମେ କି ବୁଝନା

ଆଖି ତୁ କାନ୍ଦନା

ଅନ୍ତରେ କନ୍ଦାନା

ଅଟଳ ହୃଦୟେ ଅତଡା ଖସାନା

ଆଞ୍ଜୁଳେ କାମନା

ଆଙ୍କିଥିଲି ସିନା

ଅଣଚାଶ ବାଆ ସ୍ୱପ୍ନ କଲା ଚୁନା..

ଦିଅନା ତାଡନା

ହୃଦୟୁ ତଡନା

ପ୍ରେମ ଅର୍ଥ କି ବା ହେବ ପ୍ରତାରଣା

ଅଦେଖା ଯାତନା

ଅସହ୍ୟ ଯନ୍ତ୍ରଣା

କେମିତି ରହିବି ସାଥି ତୁମ ବିନା..

ବିରହେ ଜାଳନା

ବିଷାଦେ ଜଳନା

ବିଶ୍ୱାସ ନିଡ ଟି ଅବେଳେ ଭାଙ୍ଗନା

ବିଳାପୀ ମୁଁ ସିନା

ବିସ୍ତାରେ ଭାବନା

ବିଲିପ୍ତ ମୋ ପ୍ରାଣ ତୁମେ କି ଜାଣନା .??

ଚକୋର ନୟନା

ଚାହିଁଥାଏ ଜ୍ୟୋତ୍ସ୍ନା

ଚନ୍ଦ୍ର କି ବୁଝିବ ତା ହୃଦ ବେଦନା

ଚାନ୍ଦକୁ ଅଚିହ୍ନା

ଚଇତା ବାସନା

ଚୌହଦୀ ଉପରେ ହୁଏ ବାଟବଣା..

ଅବୁଝା ହୁଅନା

ଆଗୋ ସୁନୟନା

ଆଶା ଅଙ୍କୁର ମୋ ଆଦ୍ର ରେ ମାରନା

ଅଳପ କାମନା

ଆୟୁଷ ବୁଝେନା

ଆସି ଗଲେ ତୁମେ ହସିବ ଅଗଣା..।