ମୋ ସ୍ମୃତି-ଦରିଆ ବେଳାରେ
ମୋ ସ୍ମୃତି-ଦରିଆ ବେଳାରେ
ମୋ ସ୍ମୃତି-ଦରିଆ ବେଳାରେ
ଆଭାକାନ୍ତ ମହାନ୍ତି
ମୋ ସ୍ମୃତି-ଦରିଆ ବେଳାରେ ତୁମେ ଗୋ'
ଝାଉଁବଣ ସୁଉସୁଉ
ସପନ-ସମାଧି ପାଶେ ବି ଆଜି ଗୋ'
ଜଳେ ଦୀପ ହୁଉହୁଉ । ୦ ।
ମୋ ହୃଦ ସରଳ ସବୁଜ ପାଟକୁ
ଦେଖି ପ୍ରାୟ ଗଲ ଚିଡ଼ି,
ସଜାଇଲ ତାକୁ ସାହାରାର ସୁରେ
ଛୁଆଁଇ ଛଳନା ଛଡ଼ି,
ତଥାପି ନିରୋଳା ନିଘଞ୍ଚୁ କୋଇଲି
ଆଜି ବି ଡାକୁଛି କୁହୁ । ୧ ।
ତୁମେ ପରକୀୟା ପ୍ରଜାପତି ହେଲ
ଦୁଃଖ ନାହିଁ ଦୁଃଖ ନାହିଁ,
ଆଗୋ, ଛଳକଣ୍ଠୀ ! ସ୍ମୃତିବନେ କେବେ
ଯିବନାହିଁ ସୁଖ ପାଇଁ,
ନ ମାନିଲେ ବୋଲ, ଭେଟିବ କେବଳ
ସେଠି ବସିଥିବି ମୁଇଁ। ୨ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****