ମହୋଦଧି ତୀରେ ଆରତି
ମହୋଦଧି ତୀରେ ଆରତି
ମହୋଦଧି ତୀରେ ଆରତି ,
ଦେଖୁଛନ୍ତି ଚାରି ମୂରତି....
କେଡ଼େ ଶୋଭାବନ ଏ ଦୁର୍ଲ୍ଲଭ ଦୃଶ୍ୟ
ପିତୃ ଆଳୟରେ ମାଆ ଅଛନ୍ତି ।
ରତ୍ନାକର ରତ୍ନର ଖଣି ,
ଅଛନ୍ତି ତ ସରବେ ଜାଣି...
ମନ୍ଥନ କରିକି ଦେବତା ଦାନବ
ଲଭିଥିଲେ ଯାହା ଅଛି କୀରତି ।
ମହୋଦଧି ତୀରେ ଆରତି....
ପଡ଼ିଦାତ୍ରୀ ତାଙ୍କରି କନ୍ୟା ,
ମାଆ ଲକ୍ଷ୍ମୀ ଗୁଣେ ଅନନ୍ୟା...
ଜଗତବାସୀଙ୍କ ଦାରିଦ୍ର୍ୟ ଦୂରେଇ
ଭରି ଦେଉଛନ୍ତି ଧନ, ସମ୍ପତ୍ତି ।
ମହୋଦଧି ତୀରେ ଆରତି...
ସିନ୍ଧୁରାଜ ରହିଲେ ସ୍ୱଚ୍ଛ ,
ଭାଗ୍ୟ ଆମ ହୋଇବ ଉଚ୍ଚ....
ବସୁଧାରେ ଶାନ୍ତି,ସଦ୍ଭାବ ବଢ଼ିବ
ଜୀଵନଟି ଯିବ ସୁଖରେ ବିତି ।
ମହୋଦଧି ତୀରେ ଆରତି....
ମହୋଦଧି ତୀରେ ଆରତି ,
ଦେଖୁଛନ୍ତି ଚାରି ମୂରତି....
କେଡ଼େ ଶୋଭାବନ ଏ ଦୁର୍ଲ୍ଲଭ ଦୃଶ୍ୟ
ପିତୃ ଆଳୟରେ ମାଆ ଅଛନ୍ତି ।
ମହୋଦଧି ତୀରେ ଆରତି ।।