ମିଳୁ ସୁଖ ଶାନ୍ତି ସାରା
ମିଳୁ ସୁଖ ଶାନ୍ତି ସାରା
ସୁନାଭାଉଜ ମୋ,ତୋ ଜନ୍ମ ଦିନରେ
ଜଣାଉଛି ଶୁଭାଶିଷ ,
ବିଭୁ କରୁଣାରୁ ତୋ ଚାନ୍ଦ ମୁହଁରେ
ସଦା ଖେଳୁଥାଉ ହସ ।
ରୂପେ ଅନୁପମା, ଗୁଣେ ସର୍ବୋତ୍ତମା
ବିଦ୍ୟାବତୀ-ସ୍ୱାଭିମାନି ,
ଯେତେ କହିଲେ ବି ଅଳପ ହୋଇବ
ତୁ ଲୋ ସର୍ଵ ସୁଲକ୍ଷଣୀ ।
ଗୁରୁଜନେ ଭକ୍ତି,ଲଘୁ ଜନେ ପ୍ରୀତି
ସ୍ଵଭାଵଟି ଅତି ଶାନ୍ତ ,
ମନବୁଝି ତେଣୁ ଦେଇଛନ୍ତି ସାଇଁ
ତୋର ମନଜିଣା କାନ୍ତ ।
ନାହିଁ ତୋହଠାରେ ଉଗ୍ର ଆଧୁନିକା
ଆତ୍ମ ବଡ଼ିମାର ଠାଣି ,
ସୁନାବୋହୂ ସୁନାଝିଅ ତୁ ଆମର
ପୂରା ଖାଣ୍ଟି ଓଡ଼ିଆଣୀ ।
ସାରା ପରିବାର କୁଶଳ ମନାସୁ
ସଭିଙ୍କୁ ନିଜର ଭାବି ,
ମନେହୁଏ ତୋତେ ପାଇଅଛୁ ସତେ
ଦିଅଁଙ୍କ ଆଶିଷ ଲଭି ।
କାମନା କରୁଛି ଆଗକୁ ଏମିତି
ସବୁରି ଆଦର୍ଶ ହୋଇ ,
ସୁନାବୋହୂ ସାଜି ରହିଥାଆ ତୁ ଲୋ
ପରା ସବୁଦିନ ପାଇଁ ।
ଠାକୁରେ ସଦା ତୋ ସାହା ହୋଇଥା'ନ୍ତୁ
ଆଶାଟି କରନ୍ତୁ ପୂରା ,
ମୁଁ କଲ୍ୟାଣ କରେ ,କେବଳ ଏତିକି
ମିଳୁ ସୁଖ,ଶାନ୍ତି ସାରା ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।