ଓଡିଶାର ମାନ: ଫକୀର ମୋହନ

ସାରିଆ ଭଗିଆ ତ୍ରାଣକରତା ହେ ରେବୀ ନିଆଁ ଚୁଲି ଗାତ

ଡାକମୁନସିର ଧଇଁ ପେଲା ବାପ କଲମ ମୁନେ ଜୀବନ୍ତ ।

ସଭ୍ୟ ଜମିଦାର ଦରଦୀ ବଂଧୁ ହେ ଲଛମାର ପ୍ରିୟ ବଂଧୁ

ମୃତପ୍ରାୟ ଥିଲା ଭାଷା ଟି ଆମର ଥିଲ ଭାଷା ଦୀନବଂଧୁ ।

କେନ୍ଦୁଝର ପ୍ରଜାମେଳି ସାକ୍ଷୀ ଆହେ ଦେୱାନ ସାହେବ ଆମ

ଶ୍ୱାସ ପ୍ରପିଡୀତ ଦୁର୍ବଳ ଶରୀର ଥମେନି ତୁମ କଲମ ।

ବଂଗୀୟ ଭଗାରୀ ଲୋଲୁପ ଦୃଷ୍ଟିରୁ କଲ ଭାଷା ଆମ ରକ୍ଷା

ଇଛାଶକ୍ତି ଥିଲେ କିବା ଅସମ୍ଭବ ଦେଲ ଏହି ମହାଦୀକ୍ଷା ।

ଅଳପ ଶିକ୍ଷାରେ ଲକ୍ଷ୍ମୀ ଅପ୍ରସନ୍ନ ଜରାଜୀର୍ଣ୍ଣ ସଦା ଦେହ

ଭାଷା ଆଂଦୋଳନ ମହାଦୀକ୍ଷା ନେଇ କଲ ସଭିଙ୍କୁ ସମ୍ମୋହ ।

ମକର ସଂକ୍ରାନ୍ତି ଆସିବା ଆଗରୁ ତେର ଜାନୁଆରୀ ଦିନ

ସ୍ୱନକ୍ଷତ୍ର ତବ ମନେପଡ ବ୍ୟାସକବି ଫକୀର ମୋହନ ।

ଫକୀର ଜୀବନେ ସମରାଟ ସ୍ୱପ୍ନ ଆହେ କଥା ସମରାଟ

ସାନ କବିଟିଏ ହେଲେହେଁ ପ୍ରଣତି ଜଣାଏ ମୁହିଁ ବିରାଟ ।