କୁଆଡ଼େ ଯାଉଛି ଯୁଗର ଗତି
କୁଆଡ଼େ ଯାଉଛି ଯୁଗର ଗତି
କୁଆଡ଼େ ଯାଉଛି ଯୁଗର ଗତି
ରାଜେଶ କୁମାର ଜୈନ୍ (ଶାନ୍ତିରାଜେଶ)
ଦେଖିଲେ ଝିଅ ସୁନ୍ଦରୀ
ଟୋକାମାନେ ପକାନ୍ତି ଶୁଶୁରି
ଚାହାନ୍ତି ତାକୁ ଘୂରି ଘୂରି
ଏ ସମୟର ରିଅଲ୍ ଷ୍ଟୋରୀ ।
ଏ ଯୁଗର ଗୌରୀ ଭାରି ଚତୁରୀ
ନିଇତି ଦେଖୁଛି କେତେ ନୂଆ ଯାତିରୀ
ହୋଇଯାଉଛି ପୂରାପୂରି ସୁତୁରୀ
କରୁନି ଏମାନଙ୍କୁ ଆଉ ଖାତିରି ।
ମଡର୍ଣ୍ଣ ଯୁଗର ଥିଓରୀ
ଏକ ନରକୁ ତିନି ସହଚରୀ
ତିନି ନାରୀକୁ ଏକ ଭାରୀ
ମର୍ଯ୍ୟାଦା ଯାଇଛି ସରି ।
କଲେଜ୍ ହେଉ ବା ପିକ୍ଚର୍ ହଲ୍
ରାସ୍ତାଘାଟ, ପାର୍କ ହେଉ ବା ମଲ୍
ଶୁଭୁଛି ଆଧୁନିକ ପ୍ରେମର କଲ୍
କିସ୍-ର ହେଉଛି ଫ୍ରି ଫଲ୍ ।
ବିଦେଶୀଙ୍କ ସାଙ୍ଗେ ହୋଇଛି ଚୁକ୍ତି
ବଢ଼ାଇବେ ଦେଶର ମାନ, ପ୍ରଗତି
ଚତୁର୍ଦ୍ଦିଗେ ଆଜି ବିଦେଶୀ ସଂସ୍କୃତି
ମାନ ରଖିବାକୁ ସମସ୍ତଙ୍କ ଭକ୍ତି ।
ପ୍ରତି ଛକରେ ବିଦେଶୀ ଗଙ୍ଗାଜଳ ଦୋକାନ
ପିଇକରି ଚାଲୁଛନ୍ତି ଟନାଟନ୍
କାମନାର ବାଣେ ହୋଇ ଅନ୍ଧ
ଏକୁ ଚାରି ଭାଙ୍ଗିଛନ୍ତି ସବୁ ବନ୍ଧ ।
ପ୍ରେମର ଏକ୍ସପୋର୍ଟ ବିଦେଶକୁ
ଲଭ୍-ର ଇମ୍ପୋର୍ଟ ଦେଶକୁ
ବିଦେଶୀ ନେଇଗଲେ ରାମଙ୍କୁ
ଆମେ ଧରି ଆଣିଲେ ସନି ଲିୟନ୍-ଙ୍କୁ ।
ଏବେ ଗୋଳମାଳ ସଂସ୍କୃତିର ଶୁଭାରମ୍ଭ
ଭାଲେଣ୍ଟାଇନ୍ ଡେ ହୋଇଛି ଆରମ୍ଭ
ମାନସିକତାରେ ଏବେ ବିକୃତି
ଦେଖ୍ ତାକୁ – କୁଆଡ଼େ ଯାଉଛି ଯୁଗର ଗତି !
ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪
ଫୋନ୍ : ୯୪୩୭୦୨୦୬୧୮
*****