ଶବ୍ଦମାନେ
ଶବ୍ଦମାନେ
1 min
6.7K
ଶବ୍ଦମାନେ ନିଃଶବ୍ଦ ହୁଅନ୍ତି ....
କିନ୍ତୁ କେତେବେଳେ ?
ଶୋଇଲାବେଳେ ତ ସ୍ଵପ୍ନ ଥାଏ
ଚେଇଁଲାବେଳେ ଘେରି ରହିଥାଏ କୋଳାହଳ
ହସିଲାବେଳେ ଚଅଁରି ଯାଏ ଓଠ
କାନ୍ଦିଲାବେଳେ ଲୁହରେ ଭିଜୁଥାଏ ଆଖି ଯୁଗଳ
ତେବେ ଶବ୍ଦମାନେ
କେମିତି ହୁଅନ୍ତି ଯେ ନିଃଶବ୍ଦ ?
ଈଶ୍ଵର କହି ପୂଜିଲେ
ପଥର ତ ପଥର, ଓ' କରେ ମାଟି, ପାଣି, ଅନଳ
ଥରେ ବିଶ୍ଵାସ ଥାପିଲେ
ଚରାଚର ଠାରୁ ଚନ୍ଦ୍ରମା ଯାଏଁ ସବୁ ଲାଗେ ବିରଳ
ତଥାପି ସିଆଣିଆ ଶବ୍ଦମାନେ
ନିଃଶବ୍ଦ ପାଲଟି ଯାଆନ୍ତି
ନିରବତାର ନିରୋଳାପଣକୁ ଝୁଣି ଝୁଣି ଖାଆନ୍ତି
ହଁ ! ତଥାପି ଏ ନିଛୁଣିଆ ଶବ୍ଦମାନେ
ନିଃଶବ୍ଦ ପାଲଟି ଯାଆନ୍ତି
ନୀଳିମାର ନୀଳପଣକୁ ଢକ ଢକ କରି ପିଅନ୍ତି ।