ବେସୁରା ଗୀତି-୭୦୯
ବେସୁରା ଗୀତି-୭୦୯
1 min
7.0K
ଶ୍ରାବଣର ଜହ୍ନ ରାତି
ଛମ୍ ଛମ୍ ବର୍ଷାର ଇଙ୍ଗିତ
ଜହ୍ନକୁ ଘୋଡାଇ ଦିଏ
ଅମାନିଆ ମେଘ ର ପଣତ ॥
କାହିଁକି ଆସିଛି ବର୍ଷା
କିଏ ତାକୁ ଡାକିଛି କି କୁହ
କାହିଁକି ଭିଜାଏ ଦେହ
ଧୋଇ ଦିଏ ସବୁ ଆଖି ଲୁହ ॥
ଲୁହର ପସରା ଧରି
ବର୍ଷା ତୁମେ କାହିଁକି ଆସିଛ ?
ଭଙ୍ଗା ହୃଦୟ ଉପରେ
ନୂଆ ଏକ ଚାରାକୁ ରୋପୁଛ ॥
ଭିଜିଲାଣି ସାରା ଦେହ
ଆଉ କେତେ ଭିଜାଇବ କୁହ ॥
ଭାଙ୍ଗିବ କେତେ ହୃଦୟ
ଆଉ କେତେ ଝରାଇବ ଲୁହ ॥
ପ୍ରୀତି ଭରା ରୂପ ତୁମ
ଯଦି ତୁମେ ଦେଖାଇଲ ନାହିଁ
ଚାଲି ଯାଅ ଏକା ଏକା
ଆଉ କାର ମନ ଭାଙ୍ଗ ନାହିଁ ॥