ସବୁ ସୁଖ ମୁଁ ପାଇଛି
ସବୁ ସୁଖ ମୁଁ ପାଇଛି
ଯେବେ ଛୋଟ ବେଳୁ ପ୍ରଭୁ
ତୁମକୁ ମୁଁ ଜାଣିଛି,
ଯେବେ ଛୋଟ ବେଳୁ ପ୍ରଭୁ
ତୁମ ନାମ ଶୁଣିଛି ॥
ସେବେଠାରୁ ମନେ ମନେ
କେତେ ମୁହିଁ ଡାକିଛି,
ଯେତେ ଦୁଃଖ ପାଇଲେ ବି
କର୍ମ ଫଳ ଭାବିଛି ॥
ପ୍ରହଲ୍ଲାଦ ପରି ଭକ୍ତି
କରି ନାହିଁ ମୁହିଁ,
ଧ୍ରୁବ ପରି ପ୍ରଭୁ ମୋର
ନିଷ୍ଠା ବୋଧେ ନାହିଁ ॥
ଦ୍ରୌପଦୀ ପରିକା ପ୍ରଭୁ
ଡାକି ପାରୁ ନାହିଁ,
ସେଥିପାଇଁ ପ୍ରଭୁ ମୋତେ
କୃପା ମିଳୁନାହିଁ ॥
ବିଶ୍ଵାସେ ମିଳଇହରି
ଏତିକି ମୁଁ ଜାଣିଛି,
ତେଣୁ କରି ତୋର ପାଦ
ଆଶ୍ରା ମୁହିଁ କରିଛି ॥
ତୋ ଭଜନ ଗାଇ ଗାଇ
ଦିନ ମୋର ଯାଉଛି,
ମୋ ବିଶ୍ଵାସ ଭାଙ୍ଗିବନି
ଏତିକି ମୁଁ ମାଗୁଛି ॥
ସବୁ ସୁଖ ପାଇଛି
ମୁଁ ସବୁ ସୁଖ ପାଉଛି ॥
@ସୌଦାମିନୀ ପଟ୍ଟନାୟକ
ପାହାଳ
ଭୁବନେଶ୍ଵର