Audio

Forum

Read

Contests

Language


Write

Sign in
Wohoo!,
Dear user,
ସୁଖ ସନ୍ଧାନ
ସୁଖ ସନ୍ଧାନ
★★★★★

© Dr Subas Chandra Rout

Others

1 Minutes   6.5K    5


Content Ranking

ସୁଖ ସନ୍ଧାନ

ବନ୍ଧୁ,

ସେଦିନ ନେଇଥିଲ ମୋତେ

ଦେଖାଇବାକୁ ତୁମ ମର୍ମର ପ୍ରାସାଦ,

ନବ ନିର୍ମିତ,

ଛୋଟ ଏକ ପାହାଡ଼ ଉପରେ

ସତେ ଅବା ତୁଷାରାଚ୍ଛାଦିତ ।

ନୀଳାଭ ଆକାଶରେ ବୁକେ

ଲାଗୁଥିଲା ମୋତେ ଅବା ଆଉ ଏକ

ଶାରଦୀୟ ପୂର୍ଣ୍ଣଚନ୍ଦ୍ର ।

ଦେଖିସାରି ତୁମର ସେ ପ୍ରାଚୁର୍ଯ୍ୟ ବିଳାସ

ପଚାରିଥିଲି, ବନ୍ଧୁ, ହେଲା କି ପୂର୍ଣ୍ଣ ତୁମ ସବୁ ଅଭିଳାଷ ।

ତୁମ ‘ହଁ’ରେ ଥିଲା ନାହିଁର ଆଭାଷ

ଲୁକ୍କାୟିତ ହୃଦୟ ବେଦନା,

ଗଭୀର ସମୁଦ୍ର ମଧ୍ୟେ ଜମାଟ ବନ୍ଧା

ବିରାଟ ପାହାଡ଼ ଆତ୍ମ ପ୍ରବଞ୍ଚନାର ।

ବନ୍ଧୁ, ସୁଦାମା ମୁଁ,

ଏକ ଜଳକଣା ମୁଁ,

ମୋତେ ଯେତେ ଭାଙ୍ଗିଲେ ବି ସେହି ଜଳକଣା ମୁଁ,

ଅଧିକରେ ନାହିଁ ଆଶା,

ନପାଇଲେ ନାହିଁ ବି ନିରାଶା ।

କିନ୍ତୁ ବନ୍ଧୁ,

ତୁମେ ତ ସାଗର, ବେଳାଭୂମିରେ ଖାଲି

ମଥାପିଟି କାନ୍ଦୁଥାଅ

ଅନେକ ଊର୍ମି ନିରାଶାର ।

ଆସ ବନ୍ଧୁ ଥରେ ହେଲେ ହୋଇଯାଅ

ମୋଭଳି କ୍ଷୁଦ୍ର ଜଳକଣା,

ହାଲୁକା ହୋଇ ଭାସିଭାସି

ଆମେ ଦୁହେଁ

ବୁଲିଯିବା ନଗରୁ ନଗରେ,

କାନନୁ କାନନେ,

ନଥିବ କୌଣସି ଦୁଃଖ,

ଆତ୍ମ ପ୍ରବଞ୍ଚନା ଅଥବା ହତାଶା ।


ଡା ସୁବାସ ଚନ୍ଦ୍ର ରାଉତ

ଫୋନ - ୭୯୭୮୦୫୯୮୫୧


ବନ୍ଧୁ ପ୍ରାସାଦ ଦୁଃଖ

Rate the content


Originality
Flow
Language
Cover design

Comments

Post


Some text some message..