ବର୍ଷା
ବର୍ଷା
1 min
13.4K
ବର୍ଷା
ମନୋଜ ଦଳବେହେରା
ତମାମ୍ ଇଛା ସବୁକୁ
ମୃତ ବୋଲି ଘୋଷଣା କରି
ଆକାଶରୁ ଝରିଆସୁଥିବା ଲୁହସବୁକୁ
ସେମାନେ ଘୋଷଣା କଲେ ବର୍ଷା ବୋଲି ;
ହେଲେ ମୁଁ କିନ୍ତୁ ଜାଣେ
ଏହା କାହା ଛାତି ତଳ
ପୁଞ୍ଜିଭୂତ କୋହ ,
ତତଲା ଝାଞ୍ଜିରେ ତରଳୁଥିଲା
ବୋହିଯିବ ବୋଲି
ଧାର ଧାର ଲୁହ ହୋଇ !
ଏବେ ତ ତୁମ ବର୍ଷାରେ
ପୋଡା ହୃଦୟର ଗନ୍ଧ ,
ଛିନ୍ନ ସମ୍ପର୍କର ନିର୍ଲଜ ଇସ୍ତାହାର ;
କେଜାଣି କେମିତି ବତୁରିବି
ମୁଁ ଏ ବର୍ଷାରେ ?
ବର୍ଷାରେ ଭିଜିଲେ ତ
ସ୍ମୃତି ସବୁ ଉଖାରି ହେଉଛି
ଜଳୁଛି ଏ ଜୀବନ ଡହଡହ ହୋଇ ;
ବୋହିବ ବୋହିବ ହୋଇ
ବୋହି ବି ପାରୁନି
ଓଦା ମାଟିର ସ୍ୱପ୍ନ ନେଇ !
--------
ବାରିପଦା
ମୋ : ୯୪୩୭୨୯୪୯୪୫
email : makudabe64@gmail.com