Audio

Forum

Read

Contests

Language


Write

Sign in
Wohoo!,
Dear user,
ଜହ୍ନମାମୁଁ ଥରେ ଓହ୍ଲାଅ
ଜହ୍ନମାମୁଁ ଥରେ ଓହ୍ଲାଅ
★★★★★

© Bidyadhar Panda

Children Comedy

1 Minutes   6.7K    1


Content Ranking

ଜହ୍ନମାମୁଁ ଥରେ ଓହ୍ଲାଅ

 

ଜହ୍ନମାମୁଁ ବଡ଼ ଅମାନିଆ ତୁମେ

            କହିଲେ କଥା ଶୁଣୁନ

କେତେ ଦିନ ହେଲା ଡ଼ାକୁଚୁ ତୁମକୁ

            ଛାତକୁ କାହିଁ ଆସୁନ?

 

କେବେ ହୁଅ ଥାଳି କେବେ ଦାଆ ଭଳି

            ପ୍ରତିଦିନ ଛିଡ଼ ବଢ଼

ମାସକରେ ଦିନେ ଛୁଟି ବି ନଉଚ

            ଦେଖାଇ ଅନ୍ଧାର ତୋଡ଼

 

ଆଇର ଆଙ୍କୁଡ଼ୀ କେତେ ବଡ଼ ଜାଣ?

            ଗୁହାଳ ଚାଳେ ଖୋସିଛି

ଏଇ ପୂର୍ଣ୍ଣିମାରେ ନ ଖସିଲ ଯଦି

                ଆଙ୍କୁଡ଼ୀରେ ଦେବି ଖେଞ୍ଚି

 

ଆଉ ଗୋଟେ କଥା ପଚାରୁଚି କୁହ

            ମାଇଁ ଅଛି କେଉଁଠାରେ?

ଲୁଚକାଳି ଖେଳ ତାରା ଗହଣରେ

            ଏକାକୀ ସବୁ ରାତିରେ

 

କଳା ବାଦଲର ପଛେ ଦୌଡ଼ୁଚ

            ବେଳେ ବେଳେ ଯାଅ ଛପି

ବରଷା ରାତିରେ ଛତା ମାରୁଚକି?

            ପିନ୍ଧୁଛ ମୁଣ୍ଡରେ ଟୋପି?

 

ଦୟାକର ମାମୁଁ ଫୁରୁସତ ଦେଖି

            ଥରେ ଖାଲି ଆସ ପାଶେ

ମାଇଁଙ୍କ ସାଙ୍ଗରେ ଝଗଡ଼ା କଲକି?

            ଏକା ବୁଲୁଛ ଆକାଶେ

 

ମାମୁଁ ମାଇଁ ଯଦି ଆର ରବି ବାରେ

            ଆସି ଥାଆନ୍ତ ଓହ୍ଲାଇ

ସାନ ଭଉଣୀ ମୋ’ ଫୁଲେଇ ରାଧିକା

            ହୁଅନ୍ତା ଭାରି ଗେହ୍ଲେଇ

 

ସ୍ୱାଗତ କରନ୍ତୁ ଆମେ ଦୁହେଁ ଏଠି

            ବିଛାଇ ରଜନୀଗନ୍ଧା

ସୁସ୍ୱାଦୁ ବ୍ୟଞ୍ଜନ ରୋଷେଇ ବଢ଼ିଆ

            ମାଆଙ୍କର ହାତ ରନ୍ଧା

 

କୁନି ଭଉଣୀଟା ବହୁ ଗୀତ ଜାଣେ

            ଦିଶୁଛି ଯେପରି ପରୀ

ତୁମେ ଦୁଇଜଣ ଆମେ ଦୁଇଜଣ

            ଖେଳ ହେବ ଅନ୍ତାକ୍ଷରୀ

 

ଆକାଶରୁ ଥରେ ଓହ୍ଲାଇକି ଦେଖ

            କି ସୁନ୍ଦର ଆମ ଧରା?

ଫେରିବା ପାଇଁକି ମନ ହେବନାହିଁ

            ଭୁଲିଯିବ ଅପସରା

ଛୁଆଟିଏ ଜହ୍ନକୁ ଡାକୁଛି ଧରାକୁ ଓହ୍ଲାଇ ଆସି ତା ଭଉଣୀ ସାଙ୍ଗରେ ଖେଳିବା ପାଇଁ

Rate the content


Originality
Flow
Language
Cover design

Comments

Post


Some text some message..