ଅଚିହ୍ନା ହୋଇଲା ଚିହ୍ନା
ଅଚିହ୍ନା ହୋଇଲା ଚିହ୍ନା
1 min
113
କାଲି ଯିଏ ଥିଲା ଅଚିହ୍ନା ମଣିଷ
ଆଜିସେ ହୋଇଛି ଚିହ୍ନା
ଲାଗୁଛି ଯେମିତି ଗୋଟାଏ ମୁହୂର୍ତ୍ତ
ବଞ୍ଚି ହେବନି ତା ବିନା ।
ମୁଁ ଆଜି ଭୁଜୁଛି ତାପ୍ରେମ ବର୍ଷାରେ
କରିଛି ସେ ମୋ ବନ୍ଦୀ
ତା ଭଲପାଇବା ମମତା ଜାଲରେ
ହୋଇଗଲି ମୁହିଁ ଛନ୍ଦି ।
ହାତ ଧରି ମୋର ବାଟ ସେ ଚାଲୁଛି
ସାଜିଛି ଜୀବନ ସାଥି
ନିଜ ଠୁଁ ନିଜର ସେ ଆଜି ଲାଗୁଛି
ମିଠା ତାର ସ୍ନେହ ପ୍ରୀତି ।
ଅଚିହ୍ନା ବାଟରେ ଦେଖା ହୋଇଥିଲା
ଅଚିହ୍ନା ମଣିଷ ହୋଇ
ହେଲେ ତାର ସାଥେ ଜୀବନ ମୋହର
ଲେଖି ସାରିଥିଲା ବିହି ।
ପ୍ରଥମ ଦେଖାରେ ହସି ଦେଇଥିଲା
ମନ କରିଥିଲା ଚୋରି
ତାକୁ ମୁଁ ମନର ମାନସୀ ସଜେଇ
ବାନ୍ଧିଲି ସମ୍ପର୍କ ଡୋରି ।
ଅଚିହ୍ନା ମଣିଷ ଚିହ୍ନା ହୋଇଗଲା
ରହିଲା ସାଥିରେ ମୋର
ହେଲେ ଲାଗେ ଆଜି ଦୁଇଗୋଟି ଦେହ
ଗୋଟିଏ ଆତ୍ମା ଆମର ।