ବର୍ଷା
ବର୍ଷା
1 min
7.0K
ବର୍ଷା
ଆଦିତ୍ୟ ପ୍ରତାପ ଧଳ
ବର୍ଷାର ଛିଟାରେ ମୁଁ
ଗୁଣୁଗୁଣେଇଉଠେ
ଫୁଲରୁ ପରାଗସବୁ
ଭସାଇଦିଏ, କଷାଇଦିଏ ।
ଅଶେଷ ରୂପରଙ୍ଗରେ
ମୋ କାନଭାସ୍ କା’ର ତୂଳିରେ
ଫେଣେଇଉଠେ,
ଚୋରାଇନେଇ କେବେକେବେ
ମୋ ନହୁଲି ବୟସକୁ
ତା’ର କଜଳଧୁଆ ଆଖିରେ
ଓଦାଓଦା ଚିବୁକରେ ମୋର ବିଶ୍ୱାସ
କୁଆଡ଼େ ହଜିଯାଏ
ହଜିଯାଏ ମୋ ଠିକଣା ।
ଅପ୍ରତିମ ପକ୍ଷୀଟେ ଗଛଡାଳରେ
ଚୁପଚାପ୍ ବସିଥାଏ
ତା ଚଞ୍ଚୁ ଉପରଦେଇ ଟୋପାଟୋପା
ଖସୁଥାଏ ବର୍ଷା
ନା ସେ ତାକୁ ଧରିରଖିପାରେ
ହୃଦୟର ଅକୂଳରେ ସେତେବେଳେ
ଗୁଡ଼ିଟିଏ ଯେମିତି ତୀରବେଗରେ
ଖସୁଥାଏ,
ଝଲସାଇଦିଏ ମୋ ଆଖି
ଝଲସାଇଦିଏ ମୋ ସମଗ୍ର ସତ୍ତାକୁ ।
ସେତେବେଳେ କହିବାକୁ ଯେମିତି
ଭୁଲିହୋଇଯାଏ :
ବର୍ଷା ମୋ ପ୍ରେମିକା
ବର୍ଷା ମୋ ଅଭିସାରିକା
ବର୍ଷା ମୋ ସର୍ଜନାର
ଉପକ୍ରମଣିକା !!
ଅବସରପ୍ରାପ୍ତ ଅଧ୍ୟକ୍ଷ, ପ୍ଲଟ୍ ନଂ-୭୨୭
ମହାନଦୀ ବିହାର, କଟକ-୭୫୩୦୦୪
ଫୋନ୍-୯୪୩୯୫୬୩୦୫୨
*****