କନ୍ୟା ଭ୍ରୁଣ
କନ୍ୟା ଭ୍ରୁଣ
ଶୁଣ ଡାକତର ବାବୁ
ମୋର ନିବେଦନ
ଗର୍ଭପାତ କର ମୋର
ଗର୍ଭେ କନ୍ଯା ଭୃଣ ।
କନ୍ଯା ପାଇଁ ଖର୍ଚ୍ଚ ଭୟ
ମନେ ନାହିଁ କେବେ
କନ୍ଯା ନୁହେଁ ସୁରକ୍ଷିତ
ଜାଣନ୍ତି ସରବେ ।
ଚାରିମାସ ଶିଶୁ କନ୍ଯା
ହୁଏ ବଳତ୍କାର
କେଉଁଠି ବି ନାହିଁ ଟିକେ
ନାରୀଙ୍କ ଆଦର ।
ଶୋଷଣ, କଷଣ ପୁଣି
ନାରୀ ନିର୍ଯାତନା
ସାରା ଦେଶରେ ଚାଲିଛି
ସମସ୍ତଙ୍କୁ ଜଣା ।
କଳୀ କାମୁକ ମାନଙ୍କୁ
ଲାଗେ ମୋତେ ଭୟ
ନ୍ୟାୟାଳୟେ ମିଳୁନାହିଁ
ପୀଡିତାଙ୍କୁ ନ୍ୟାୟ ।
ନ୍ୟାୟ ପାଇଁ ଧାଇଁ ଧାଇଁ
ଦିଏ ଆତ୍ମାହୁତି
ଅର୍ଥ ବାହୁବଳେ ଦୋଷୀ
ନିର୍ଦୋଷୀ ହୁଅନ୍ତି ।
ଯାଜ୍ଞସେନୀ କାନ୍ଦୁଛନ୍ତି
କୁରୁସଭା ସ୍ଥଳେ
ନ୍ୟାୟ ନ ମିଳଇ ଏଠି
ଦୁର୍ଜନଙ୍କ ମେଳେ ।
ଚାହୁଁଛି ମୁଁ କନ୍ଯା ମୋର
ନହେଉ ଶିକାର
ଏଣୁ ଅନୁରୋଧ ରଖି
ଗର୍ଭପାତ କର ।