ସମ୍ଭୋଗ
ସମ୍ଭୋଗ
1 min
6.9K
ଅଗୁଣକୁ ଖୋଲି ନିତି ମିତେ ତୋଳି
କାଢେ ନାହିଁ ଖଣ୍ଟ ଢଙ୍ଗରେ ଯାଇ
ଫଗୁଣକୁ ଗୋଳି ଗୀତି ପ୍ରୀତେ ବୋଲି
ବାଢେ କାହିଁ ଥଣ୍ଟ ରଙ୍ଗରେ ଥାଇ ।
ରସି ଜୋର ଭାଷେ ରତି କ୍ରିୟା ଆଶେ
ହସିଦେଇ ଖରେ ନାଚିଣ ଭୂମେ
ପଶି ମୋର ପାଶେ ଅତି ପ୍ରିୟା ଆସେ
ଘଷିଦେଇ ଥରେ ଯାଚିଣ ଚୁମେ ।
କଳାପ ଗହନ ପରଶେ ଦହନ
ଜାଳି କାୟା ଦଂଶେ ସିନା କାରଣେ
ସଂଳାପ ବହନ ହରଷେ ସହନ
ଖାଲି ମାୟା ବଶେ ବିନା ବାରଣେ ।
ବେଣା ତଳେ କାଢି ଅବିଚଳ ଖାଡି
ଚାଳିଲି ସହଳ ସଂଯୋଗ ସେତ
ଡେଣା ବଳେ ଝାଡି ଅବିରଳ ଛାଡି
ଢାଳିଲି ବହଳ ସମ୍ଭୋଗରେତ ।
ପ୍ରସନ୍ନ କୁମାର ମାଦଳା