ସାମ୍ପ୍ରତିକୀ
ସାମ୍ପ୍ରତିକୀ
1 min
326
ଜାତୀୟ ସମ୍ପତ୍ତି ଧୂଳିସାତ୍ ଆଜି
ମଦ ତ ମୁଖ୍ୟ କାରଣ,
ଦୁର୍ଘଟଣା, ଚୋରି, ରାହାଜାନି ପୁଣି
ଯାଏ କେତେ ଯେ ଜୀବନ।
ଭୟଙ୍କର ଚିତ୍ର ଆମ ଓଡ଼ିଶାରେ
ସେ ପାଇଁ କା' ନିଘା ନାହିଁ,
ମଦ ଆନାକୋଣ୍ଡା ଆଁ କରି ବସ୍ତି
ସହର ବଜାର ଗିଳଇ।
ଆନାକୋଣ୍ଡା ଖାଇ ଦେଲାଣି ଆମର
ଦେହ ଆତ୍ମା ଭବିଷ୍ୟତ,
କଲବଲ କରି ନେଇ ଯାଉଅଛି
ଦେଖାଇ ଅଫେରା ପଥ।
ଏତେ ତ ଯୋଜନା, ବିକାଶ ହେଉଛି
ଯଦି ମଦକୁ କର ଜବତ,
କେତେ ନାରୀ, ମାଆ,ଭଉଣୀଙ୍କ ଘର
ହୋଇଯିବ ସୁରକ୍ଷିତ।
ସୁସ୍ଥ ପରିବେଶ, ସୁସ୍ଥ ସମାଜ
ଦରକାର ଯେ ଆମର,
ଗଣତନ୍ତ୍ରର ପବିତ୍ର ଭୂମିରେ
ଏଇ ଆମ ଅଧିକାର।
ପ୍ରଣତି ମହାପାତ୍ର
ବାଲେଶ୍ଵର