Audio

Forum

Read

Contests

Language


Write

Sign in
Wohoo!,
Dear user,
ଭଲ ବ୍ୟବସାୟ ରାଜନୀତି
ଭଲ ବ୍ୟବସାୟ ରାଜନୀତି
★★★★★

© Rakesh Mishra

Inspirational

2 Minutes   6.5K    6


Content Ranking

ଦରକାର ନାହିଁ ପଢାଶୁଣା । କଥା କୁହା ବିଦ୍ୟା ଥିବ ଜଣା ॥

ପୁରୁଣା ନେତାଙ୍କ ହାତ ଧରି । ଆରମ୍ଭ କରିବ କଂଟ୍ରାକ୍ଟରୀ ॥

ଇନ୍ଦିରା ଆବାସ, ଲୋନ , ଭତ୍ତା । କରେଇ ଦେବାକୁ ଦେବ କଥା ॥

ହାଟ, ଛକ ବା ସଭା ସମିତି । ବିରୋଧୀ ନେତାଙ୍କ ବେଇଜ୍ଜତୀ ॥

କରିପାରୁଥିବ ନିତି ନିତି । ତୁମ ପାଇଁ ଫିଟ୍ ରାଜନୀତି ॥

ପାନ ଗୁଆ ଖଇର ଗୁଆକାତି । ଭଲ ବ୍ୟବସାୟ ରାଜନୀତି ॥


ବେଳେ ବେଳେ କରି ହରତାଳ । ଲୋକଙ୍କୁ ଦେଖାଅ ବାହୁବଳ ॥

ମଦ ପିଇ ବୁଲ ମାଳ ମାଳ । ଗାଡି ଭାଙ୍ଗ ଆଉ ଟାୟାର ଜାଳ ॥

ଲୋକଙ୍କୁ ଡରାଇ ଦିଅ ଗାଳି । ବିରୋଧୀଙ୍କ କର ମୁହଁ କାଳି ॥

(ବନ୍ଦ ର) କାରଣ ନଥାଉ ପଛେ ଜଣା । ଜନତାଙ୍କୁ କର ବାଟବଣା ॥

କୁହ ବିରୋଧୀ ନେତାଏ ସବୁ ଭ୍ରଷ୍ଟ । ଦେଶଟାକୁ କରି ଦେଲେ ନଷ୍ଟ ॥

ତୁମ ପାଇଁ ହାତେ ଧରି ଲାଠି । କରୁଅଛୁ ଆମେ ରାଜନୀତି ॥

ପାନ ଗୁଆ ଖଇର ଗୁଆକାତି । ଭଲ ବ୍ୟବସାୟ ରାଜନୀତି ॥


ଟିକେଟ ପାଇବାକୁ ଯଦି ମନ । ଲବି କରୁଥିବ ଘନ ଘନ ॥

ମାନ ସନମାନ କରି ତୁଚ୍ଛ । ଦରକାର ହେଲେ ଜୋତା ପୋଛ ॥

ଯଦି ନେତାଙ୍କ ଦୟାରୁ ସିଟ ମିଳିଗଲା । ଜାଣ ସପ୍ତପୁରୁଷର ଭାଗ୍ୟ ଖୋଲିଗଲା ॥

ଘର ଘର ବୁଲ ହାତ ଯୋଡି । ସଭାରେ ଚିଲ୍ଲାଅ ଦେଇ ରଡି ॥

ବୁଝାଅ ଲୋକଙ୍କୁ ତୁମ ଦଳ । ଗରୀବର ବନ୍ଧୁ ଚିରକାଳ ॥

ବିରୋଧୀ ଗୁଡାକ ଟାଉଟର । ରାଜ୍ୟଟାକୁ କଲେ ଛାରଖାର ॥

ଜନତା ଆମର ମୂର୍ଖ ଅତି । ପ୍ରବଳ ଦୁର୍ବଳ ସ୍ମୃତିଶକ୍ତି ॥

ପାନ ଗୁଆ ଖଇର ଗୁଆକାତି । ଭଲ ବ୍ୟବସାୟ ରାଜନୀତି ॥


ଭୁତେଇ ଲୋକଙ୍କୁ ଦେଇ ଭୁଆଁ । ଜିତିଲେ ଦବନି ଧରାଛୁଆଁ ॥

ପାଞ୍ଚ ବରଷରେ ଯେତେ ପାର । ଲୋକଙ୍କ ଟଙ୍କାରେ ଫୁର୍ତ୍ତି କର ॥

କହିବ ଲୋକଙ୍କୁ ମିଠା କଥା । କରିବନି କିନ୍ତୁ ତାଙ୍କ ଚିନ୍ତା ॥

ଯେତେ ଦିନ ଥିବ ଅନ୍ନ ଚିନ୍ତା । କରିବେ ଜନତା ନତ ମଥା ॥

ପୁଣି ଆସିଲେ ନିର୍ବାଚନ । ଆରମ୍ଭ କରିବ ପ୍ରହସନ ॥

ନୂଆ ନୂଆ ଦେବ ପ୍ରତିଶ୍ରୁତି । ଚାଲିଛି ଚାଲିବ ଏହି ରୀତି ॥

ପାନ ଗୁଆ ଖଇର ଗୁଆକାତି । ଭଲ ବ୍ୟବସାୟ ରାଜନୀତି ॥


- ରାକେଶ ମିଶ୍ର

ରାଜନୀତି ବିଦ୍ୟା ନେତା

Rate the content


Originality
Flow
Language
Cover design

Comments

Post


Some text some message..