ଅଭୁଲାର ଚଉଛକି
ଅଭୁଲାର ଚଉଛକି
ଅଭୁଲାର ଚଉଛକି
ଆଭାକାନ୍ତ ମହାନ୍ତି
ଅସୀମ ପଥର ଆସାମୀ ହେ ଆମ ଅସ୍ତ ଯଦି ସୀମାବଦ୍ଧ
ଅସ୍ମିତା ଆଡ଼େଇ ଆଣି କିଆଁ କର ଅସହିଷ୍ଣୁ ଛନ୍ଦେ ବନ୍ଦ ?
ଆସିବ କି ଆଉ ଭୂଗୋଳ ଆବୋରି ଆଙ୍କିବାକୁ ଇତିହାସ
ଆସିଲେ ଆଶ୍ଚର୍ଯେ ଆଲୋଚନେ ନିଶ୍ଚେ ଆଙ୍କିବ ଆଜିର ପ୍ରାସ ।
ଆସିଲେ ବି ଆଉ ଆବୋରିବ ନାହିଁ ଆଜିର ଗଢ଼ା ଗରିମା
ଆସନ୍ତା ଅରୁଣ ଆଗେଇ ଆଙ୍କିବ ଆମ ଆଉଟା ଅଣିମା,
ଅବାରିତ ଯଦି ଆସିବା-ଯିବାଟା ଅଖ ପ୍ରାୟେ ଚକ ଛନ୍ଦେ
ଆଙ୍କିବାନି କିଆଁ ଅସୁମାରି ଆଶା ଅଗ୍ରଗାମୀର ଆହ୍ଲାଦେ ?
ଆମ ଆସିବାଟା ଆଲୋଡୁ ଅବଜ୍ଞା ଆକୁଳାଉଥିବା ଅହେଂ
ଆଗ୍ରହେ ଆମନ୍ତ୍ରି ଅଭେଦ୍ୟ ଆଲେଖ୍ୟ ନବ-ଅର୍କ ଅଭ୍ୟୁଦୟେ,
ଆସି ପ୍ରତିଥର ଅର୍ପି ସାମାଜିକ ଯଜ୍ଞରେ ଆତ୍ମୀୟ ଅର୍ଘ୍ୟ
ଆତ୍ମା ଅମରତ୍ୱେ ଅଜାଡ଼ିବା ସିନା ଅଙ୍ଗୀକାର ସଉଭାଗ୍ୟ ।
ଆଉ ଏଣିକି ହେ ଅଛି କେତେଦିନ ଆଗୁଆଳୀ ଅହେତୁକୀ
ଆଙ୍କି ଆଗେଇଯା ଅନନ୍ତ ପଥରେ ଅଭୁଲାର ଚଉଛକି ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****