ପଥଭୁଲା ଧଳା ଚଗଲା ବଉଦ
ପଥଭୁଲା ଧଳା ଚଗଲା ବଉଦ
ପଥଭୁଲା ଧଳା ଚଗଲା ବଉଦ
ଆଭାକାନ୍ତ ମହାନ୍ତି
ପଥଭୁଲା ଧଳା ଚଗଲା ବଉଦ
ଶରତ ଆକାଶେ ଝୁଲେ,
ନଈ ଅତୁଡ଼ିରୁ ଫୁଲେଇ କାଶର
ଛାଇ ଦୋଳେ ନଈ ଜଳେ । ୦ ।
ଦୂର ତାଳବଣେ ଲୁଚୁଛି ସୂରୁଯ
ଛାଟିଦେଇ ନଭେ ନାଲିଆ ମୁରୁଜ
ତରକା ଚଢ଼େଇ ତା ଡେଣା ବାଡ଼େଇ
ଉଡ଼ିଯାଉଁ ଗୀତ ବୋଲେ । ୧ ।
ସବୁଜ ରଙ୍ଗ ଗୋ ହୋଇ ମତୁଆଲା
ଛାଇ ରହିଅଛି ଗହୀରଟି ସାରା
ଗାଈଙ୍କୁ ଅଡ଼େଇ ଆଣେ ବନା ଭୋଇ
ବଂଇଁଶୀ ବଜେଇ ତାଳେ । ୨ ।
ଶିରିଶିରି ବହେ ବାଉଳା ପବନ
ଓସ୍ତ ପତ୍ରେ ପତ୍ରେ ଜଗାଏ କମ୍ପନ
ମାଦକତା ଭରେ ମନ-ପରାଣରେ
ପ୍ରକୃତି କୁହୁକ ଭୋଳେ । ୩ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****