ତତେ ମୁଁ ଖୋଜୁଛି

ତତେ ମୁଁ ଖୋଜୁଛି

ନିଷ୍ପାପ ଚେତନାର ଚୈତାଳିରେ,

ସୁନ୍ଦର ପୃଥିବୀର ବୁନିୟାଦିରେ,

ପୁଣ୍ୟ,ନିସ୍ତରଙ୍ଗ ସମୁଦ୍ରର ମୁହାଣରେ,

ଗଢିବାକୁ ନୂତନ ସମ୍ପର୍କ...

ତତେ ମୁଁ ଖୋଜୁଛି

ସେ ଦିନରୁ ଏବେ ଯାଏ,

କର୍ମକ୍ଲାନ୍ତ ମଣିଷର ଆଖିରେ,

ଅଂକୁରିତ ବୀଜର ସ୍ୱପ୍ନରେ

ମାଟି ମଖା ଆକାଶର ଛାଇରେ,

ମେଂଟାଇ ନେବାକୁ ତୃଷାର୍ତ୍ତ ପାତ୍ରର ଶୋଷ...

ତତେ ମୁଁ ଖୋଜୁଛି

ଶୁଷ୍କ ପ୍ରାଣର ଜଳଭ ଧାରାରେ,

ଅଙ୍କାବଙ୍କା ଜୀବନ ର ବେଦମ ଝଡ଼ରେ,

ନିରୀହଙ୍କ ଆତ୍ମପ୍ରତ୍ୟୟରେ,

କାଳେ ତୁ ମିଳି ଯିବୁ ଅଚାନକ ଏମାନଙ୍କ ଭିତରେ...