ଲୁହ
ଲୁହ
1 min
6.9K
ଠିକ୍ ବର୍ଷା ପରି ଏଇ ଲୁହ
ଭିଜାଏ... ଆଖି, ଗାଲ, ଓଠକୁ
ତିନ୍ତିପାରେନା ଖାଲି ଯାହା ମୋର ଦହଗଞ୍ଜ ଦେହ ।
ଠିକ୍ ବର୍ଷା ପରି ଏଇ ଲୁହ
ଉଖୁରାଏ... ଅତୀତର ଦୁର୍ଘଟଣା, ଗତ ହୋଇଥିବା ସ୍ମୃତି, ସପନର ନୀଡ଼କୁ
ଜିଇଁଉଠେନା ଖାଲି ମରି ଶୋଇଥିବା ସେଇ ମୋହ ।
କେବେ ତ ବାରଣ ନଥିଲା
ତୁମ ଫୁଙ୍ଗୁଳା ଦେହରେ ଫଗୁ ହେଇ ବୋଳି ହେବାକୁ
କାଇଁ ତେବେ ବରଣ କଲ
ନିର୍ଘାତ୍ ବର୍ଷୁଥିବା ଅଦିନିଆ ଚପଳା ସେଇ ମେଘକୁ ?
ହଁ... ଠିକ୍ ବର୍ଷା ପରି ଏଇ ଲୁହ
ହେଲେ ବର୍ଷା ତ ନୁହଁ !!!
ପାଶୋରି ଦେଇଛ ମୋତେ ସିନା ତୁମେ
ହେଲେ ଭୁଲିପାରୁନି ମୁଁ ତୁମକୁ !!!