Audio

Forum

Read

Contests

Language


Write

Sign in
Wohoo!,
Dear user,
ଅକ୍ଷତ ଶୀତ
ଅକ୍ଷତ ଶୀତ
★★★★★

© Pramod Pradhan

Others

1 Minutes   6.5K    1


Content Ranking

ଅକ୍ଷତ ଶୀତ

 

ପ୍ରମୋଦ ପ୍ରଧାନ

 

ଘାସ ଗାଲିଚା ଉପରେ ବିନ୍ଦୁବିନ୍ଦୁ କାକର

ସଫେଦ୍ ହସ୍ତାକ୍ଷର

ପ୍ରକୃତିର ଇସ୍ତାହାର

ଡେଣା ବିସ୍ତାରି, ଶିଶିର ଚିରି

ଝରିପଡ଼େ ଶୀତ

ଏଇ ତ ପ୍ରୀତି ଦସ୍ତଖତ !

 

ସକାଳେ

ଅଳସୀ ଶୀତର କଳସିରୁ

ଶୀତଳ ସମୀରଣ

କୁହୁଡ଼ିର ଆସ୍ତରଣ

ସୁନେଲି କିରଣେ

ବଉଳ ପେନ୍ଥାରେ ଶୃଙ୍ଗାର

ଅଙ୍ଗାରୁଆ ଛାତିତଳେ

ଜଳେ ଜାଡୁଆ ବାସର ।

 

ବତୁରା ଧାନଉଁସା ହାଣ୍ଡିତଳେ

ଚୁଲିରେ ଧୁ’ଧୁ’ କାଠଗଣ୍ଡି

ଭେଣ୍ଡିପୋଡ଼ା ବାସ୍ନାରେ

ଆଶାର ତୃଷ୍ଣାରେ ଉଷ୍ଣ ମଣ୍ଡି ।

 

କୋହଲା ଲହରିରେ

ସୋରିଷ ଫୁଲର ଆସର

ମାଣ୍ଡିଆ କ୍ଷେତରେ ଉଡ଼େ କେଶର

ଝିଙ୍କାରୀ ଲମ୍ବାଲମ୍ବା ଦାନ୍ତେ

କେଣ୍ଡାକେଣ୍ଡା ପାଚିଲା ଧାନ

ଝରିପଡ଼େ କ୍ଷେତେ

ଅପୂର୍ବ ସମାହାର ଶୀତର ଅସର ।

 

ଅସ୍ତଗାମୀ ଗୋଧୂଳି

ନୀଡ଼ମୁଖୀ କାକଳି

କଅଁଳିଉଠେ ଶୀତରେ ମହାବୃତ୍ତ

ଠାଉଠାଉ ଓଠ

ଓଠରେ ଶୀତଳ ଅମୃତ

ଏଇ ତ ମହାସ୍ରୋତ ଅକ୍ଷତ ଶୀତ !!

 

ଫ୍ରେଣ୍ଡସ୍ କଲୋନୀ, କଟକ

ଫୋନ : ୯୪୩୭୧୮୨୭୮୫

*****

ଅକ୍ଷତ ଶୀତ

Rate the content


Originality
Flow
Language
Cover design

Comments

Post


Some text some message..