ଖରା କଲା ଦରମରା
ଖରା କଲା ଦରମରା
କିଛିଦିନ ଆଗୁ ବହୁଥିଲା ଏଠି ଧୀର ବାଆ ସୁଲୁସୁଲୁ
ଆମ୍ବ ବଗିଚାଟି ଲାଗୁଥିଲା ଭଲ ଦିନବେଳା ବୁଲୁବୁଲୁ ।
ମନ ଉଠୁଥିଲା ଭରି ଲାଗୁଥିଲା ମତେ
ଆମ ଗାଆଁ ସାଥେ ସରଗ ହେବନି ସରି ।
ଗିରିଷମ ଆସି ସବୁ ସାରିଦେଲା
ଟାଣୁଆ ହୋଇଲା ଖରା
ଗୁଳୁଗୁଳି ସାଥେ ଘିମିରୀର ଦାଉ ଖରା କଲା ଦରମରା ।
ଶିରୀହୀନ ଦିଶେ ଭୂଇଁ
ତତଲା ପବନ କାହାକୁ ଛାଡ଼ୁନି ସବୁକୁ ଯାଉଛି ଛୁଇଁ ।
ଏଭଳି କଷଣ ଆମେ ସହିବୁନି କୁହ କେ ସହିବ ଆଉ
ଗଛ ନ ଲଗେଇ ପୁରୁଣା ଗଛକୁ ଆମେ ସବୁ କାଟିଥାଉ ।
ଗଛ ସିନା ଦିଏ ଛାଇ
ପରିବେଶ ଆମ ସନ୍ତୁଳିତ ଥାଏ
କେବଳ ଗଛଟି ପାଇଁ ।
ଗଛ ଥିଲେ ଥିବ ଅମ୍ଳଜାନ ଭରା
ପାଉଥିବା ଫୁଲ ଫଳ
ଠିକଣା ବେଳକୁ ଋତୁ ଆସୁଥିବ
ବରଷା ଦେବ ବି ଜଳ ।
ଆସିବ ତା' ପରେ ଶୀତ
ଶୀତ ପରେ ପରେ ବସନ୍ତ ଆସିଲେ
କୋଇଲି ଗାଇବ ଗୀତ ।
------------------------------------------
ଶିଶିର କୁମାର ପଣ୍ଡା
କୁଆଁସ , ମେରଦା କାଟିଆ , ଯାଜପୁର
ଆଳାପ:- ୮୯୮୧୭୩୭୨୨୮