Quotes New

Audio

Forum

Read

Contests


Write

Sign in
Wohoo!,
Dear user,
ମାତୃ ଦିବସରେ ମାଆ
ମାତୃ ଦିବସରେ ମାଆ
★★★★★

© Bidyadhar Panda

Inspirational

1 Minutes   6.9K    4


Content Ranking

“ମାତୃ ଦିବସ”ରେ ମାଆ

ବିଦ୍ୟାଧର ପଣ୍ଡା 

ମା’, ମମି, ବୋଉ ଯାହା କୁହ ତୁମେ

          ଗୋଟିଏ ସଂପର୍କ ପକ୍କା

ମନ୍ଦିର, ମସ୍ଜିଦ୍, ଗିର୍ଜା, ଗୁରୁଦ୍ୱାର

          ଲାଗେ ସବୁ ଫିକାଫିକା ।(୧)

ପେଟେ ଖାଇଥିଲେ ମୋଟେ ଖାଇନାହିଁ

          ମାଆ କହେ ଖା’ ଖା’

ଦେହ ଖରାପରେ ଭୋକଶୋଷ ଭୁଲି

          କୋଳରେ ଶୁଆଏ ମା’ ।(୨)

ବାହାଘର ପରେ ସେହି ପୁଅ କହେ

          ବୁଦ୍ଧି ନାହିଁ କି ତୋହର ?

ବୋହୂଟା ତୋହର ବଡ଼ଘର ଝିଅ

          କଥାଟି ବିଚାର କର ।(୩)

ମୂରୁଖଙ୍କ ପରି ବ୍ୟବହାର କରୁ

          ରୋଷେଇ ଆଦେଶ ଦେଇ 

ଲୁଗାପଟା ସଫା, ଘର ଓଳାଓଳି

          କାମକୁ ପାରୁନି ସହି ।(୪)

ତୁହି ଛୋଟଘର ଝିଅ ଥିଲୁ ବୋଲି

          ଏମିତି କି ଚଳାଇବୁ ?

ପାହାନ୍ତା ପହରୁ ନିଦରୁ ଉଠାଇ

          ଅସୁନ୍ଦରୀ କରିଦେବୁ ?(୫)

ବେଶୀ ହେଲେ ମୁୁହିଁ ସଂଗେ ଘେନିଯିବି

          ଏକା ଏଇଠି ମରିବୁ

ଲଲାଟ ପଟ୍ଟରେ ମନ୍ଦରେଖା ତୋର

          ଭଲ କିଭଳି ଭୋଗିବୁ ?(୬)

କଥା ମୋର ମାନ ବୋହୂସେବା କର

          ଭୁଲି ତୋ ଶାଶୁପଣିଆ

ନହେଲେ ତୁ ଏବେ ଭୁଲିଯା’ ମୋତେ

          ଭୁଲିଯିବି ତୁ ମୋ ମାଆ ।(୬)

ମେ ଦଶ ଆଜି ମନେ ନାହିଁ କା’ର

          “ମାତୃ ଦିବସ” ଦିନଟି

ପୁଅକୁ ସମ୍ଭବ ଭୁଲିଯିବା କଥା

          ମା’ ଛାତି ଯାଏ ଫାଟି ।(୭)

ମାଆର ହୃଦୟ ଛିଦ୍ର କରିଗଲା

          ପୁଅ କଥା ଟାଣ ବାଣ

ଆଶିଷ ମାଗିଲା କାଳିଆ ଠାକୁର

          ସଅଳ ନିଅ ମୋ’ ପ୍ରାଣ ।(୮)

******

ମାତୃ ଦିବସରେ ମାଆ

Rate the content


Originality
Flow
Language
Cover design

Comments

Post

Some text some message..