ମୋ ରାହାଧାରୁ
ମୋ ରାହାଧାରୁ
ମୋ ରାହାଧାରୁ
ଆଭାକାନ୍ତ ମହାନ୍ତି
ମୋ ରାହାଧାରୁ ମୋତେ କେ' ବଳେ
ନେଲାରେ ବଶ କରାଇ,
ମୁଁ ଦେଖିଲି ଛିଡ଼ା କୃଷ୍ଣଚୂଡ଼ା
ନାଲି ପଣତ ଥରାଇ । ୦ ।
ବଧୁଲି ଓଠୁ ପ୍ରବାଳ ଝରେ
ମହୁଆ ନିଶା ମୋ ମନେ ଭରେ,
ପାଖୁଡ଼ା ଓଠ ଉଠିଲା ଥରି
ଡାକିଲା ମୋତେ ଫୁଲ କୁମାରୀ,
ଥକିଲା ଡେଣା ହୋଇଲି ବଣା
ଜୀବନେ ଲକ୍ଷ୍ୟ ହରାଇ । ୧ ।
କହିଲି ମୁହିଁ ଡାକନା ମୋତେ
ରହିଛି ବାକି ରାହା ମୋ କେତେ,
ଅଭିମାନିନୀ ଥିଲା ଯେ ରାଗି
ନ ଜାଣି ଗଲି ମୋ ରାହା ଭାଙ୍ଗି,
ମଳୟ ତାନେ ବାଜିଲା କାନେ
କାନ୍ଦେ ସେ ଲୁହ ଝରାଇ । ୨ ।
ଭାବନା ଧାରେ ଗଲି ମୁଁ ବୁଡ଼ି
ପାରିଲି ନାହିଁ ଆଗକୁ ଉଡ଼ି,
ଭାଙ୍ଗିଲା ଭ୍ରମ, ଆସିଲି ଫେରି
ହାଏ ! ବିରହେ ଥିଲା ସେ ମରି,
ଝୁରଇ ସତେ ଦେବ କେ' ମୋତେ
ମୋ କୃଷ୍ଣଚୂଡ଼ା ଫେରାଇ ? । ୩ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****