ନିଦାଘ ନୁହେଁ ମୁଁ.....
ନିଦାଘ ନୁହେଁ ମୁଁ.....
ନିଦାଘ ନୁହେଁ ମୁଁ କାଳବୈଶାଖୀଟେ
ନିତି ହୋଇ ବହେ ଝଞ୍ଜା
ଜାଣେନା ଶ୍ରାବଣ କେବେ ଛୁଇଁଯିବ
ମେଣ୍ଟିବ ଏ ଦେହ ସଜା,
ଜାଣେନା କିଏ ମୋ ଭାବନା ଚୋରାଇ
ଗୋପନରେ ଅଛି ରହି
କାହା ପାଇଁ ଆଜି କାଳବୈଶାଖୀ ମୁଁ
ହୋଇ ଯାଉଅଛି ବହି ,
ଲଣ୍ଡା ଖଜୁରୀରେ ସପନ ଝୁଲୁଛି
ରାତି ଲାଗେ ଭାରି ଭାରି
ଅମାବାସ୍ୟା ଜହ୍ନ ଋତୁ ସ୍ନାନ କରେ
ପୂର୍ଣ୍ଣିମା ଯାଇଛି ଫେରି,
ପଲକ ତଳରୁ ତନ୍ଦ୍ରା ହଜିଛି
ଅଳକାପୁରୀର ପଥ
କଂଟକେ ଭରା - ବାଟ ନିରିଜନ
ନିକାଞ୍ଚନ ଏ ନିଶୀଥ ||
ତପନ ଦୀକ୍ଷିତ (ବେଳାଭୂମି