ଜୀବନ ଯାତ୍ରା
ଜୀବନ ଯାତ୍ରା
ଜୀବନ ଯାତ୍ରାରେ ଆମେ,
ଅଭିନେତା ଓ ଅଭିନେତ୍ରୀ ।
ଏଇଠି ପ୍ରଶ୍ନ, ଉତ୍ତର ଏଇଠି,
ପ୍ରଶ୍ନ ସାଧାରଣ, ଉତ୍ତର ଅସାଧାରଣ,
କେମିତି ଅଛ ? କିପରି ଅଛ ?
ଭଲରେ ଅଛି, ମଜାରେ ଅଛି !
କି ଅଦ୍ଭୁତ ଏ ସମ୍ଭାଷଣ ।
ଜୀବନ ଯାତ୍ରାରେ ଏଠି,
ମଣିଷ ମଣିଷରେ ଜଳେ,
ଭାବନା ଭାବନାରେ ଜଳେ,
ଜଳିବା ପାଇଁ ଏଠି
ସଧାରଣ ସଧାରଣ ଲାଗେ ।
ଖୋଜା ପଢ଼େ ଜୀବନ ଯାତ୍ରାରେ ସବୁଠି
ସୁଖ ଅଛି କେଉଁଠି ?
ମୃତ୍ୟୁ ପରେ ନା ଜିଇବାରେ
କିନ୍ତୁ ନ ଖୋଜନ୍ତି କେହି
ଦୁଃଖ ଅଛି କେଉଁଠାରେ
ନିଜ ଠାରେ ନା ଅନ୍ୟ ଠାରେ,
ସୁଖ ପାଇଁ ଏଠି,
ସବୁ ବଦଳା ଯାଏ
ନିଜ ବ୍ୟତିତରେ !
ଜୀବନ ଯାତ୍ରାରେ ଏଠି
ଅଦ୍ଭୁତ ଲାଗେ ସବୁଠି,
ମଣିଷ ତ ଚାଲୁଥାଏ ନିଜ ଇଛାରେ
ସବ ଚାଲୁଥାଏ ଅନ୍ୟ ସାହାରାରେ
ଜୀବିତ ବୁଢି ଯାଏ ଏଠି,
ଜଳର ଅତଳ ଗର୍ଭରେ,
ମୃତ କିନ୍ତୁ ଭାସି ଭାସି ଦେଖୁଥାଏ,
ଛାଡ଼ି ଆସିଥିବା ଜୀବନକୁ ଆଉ ଥରେ ।
ଜୀବନ ଯାତ୍ରାରେ ଏଠି,
ସକାଳ ହୁଏ, ମଧ୍ୟାନ ଆସେ
ସଂଧ୍ୟା ଦେଇ ରାତ୍ରି ଚାଲିଯାଏ ।
ଠିକ୍ ଯେମିତି
ଜୀବନ ଆସେ, ଯୌବନ ହୁଏ
ଜରା ଦେଇ ମୃତ୍ୟୁ ଚାଲିଆସେ ।
ଜୀବନ ଯାତ୍ରାରେ, ଅବସୋସ୍ ସବୁଠି
ବିତାଏ କିଏ କାନ୍ଦି କାନ୍ଦି,
କିଏ ବା ହସି ହସି
କିଏ ପୁଣି କାନ୍ଦି କାନ୍ଦି, ସୁଖ ଦିଏ ଅନ୍ୟକୁ
ଭୁଲିଯାଇ ତା ନିଜର ଦୁଃଖକୁ ।