ଲୋଭି
ଲୋଭି
ଧନଲୋଭ ଚିନ୍ତା ଘାରେତ ସର୍ଵଦା
ଅଦ୍ଭୁତ ଏ'ମର୍ତ୍ତ୍ୟ ନର ,
ବିଚାର ବିମର୍ଷ ନଥାଏ ତାହାର
ସଭିଁଙ୍କୁ ସେ'ମଣେ ପର ! !
ଭୃକ୍ଷେପ କରେନି କଥାବି ମାନେନି
ଧନତା'ର ପ୍ରାଣସଙ୍ଗୀ ,
ଜୀବନକୁ ବାଜି ଲଗାଏ ସେ'ଆଜି
ସତେ ମାନସିକ ରୋଗୀ ! !
ଅର୍ଥହିଁ ସର୍ବସ୍ଵ କରେସେ ସଂଘର୍ଷ
ପିଲା ପରିବାର ଭୁଲି ,
ଦୁଃସାହାସ କରେ ଦୁର୍ଗମ ପଥରେ
ପୂର୍ଣ୍ଣହେଵ ବୋଲି ଥଳି ! !
ରହରହ ଆରେ ଲୋଭିନର ତୁ'ରେ
ଜୀବନ ତୋ'ଯିବ ଚାଲି ,
ତୋ'ସମ୍ମୁଖରେ ଯମ ପ୍ରତୀକ୍ଷାରେ
ଯିବୁତୁ ସରଗ ବୁଲି ! !
ହାତତୁ ବଢ଼ାନି ଛୁଇଁ ପାରିବୁନି
ଟଙ୍କା ବିଡା ଯିବଉଡି ,
ଅଯଥାରେ ତୋ'ର କାଳ ପୁରିଯିବ
ଯିବୁତୁ ' ଗର୍ତ୍ତରେ ପଡି ! !