ଏଇତ ଜୀବନ

         ଏଇତ ଦୁନିଆଁ

***********************

ଧର୍ମ ଏକା ସିନା ମହତପଣିଆ,

ଆଉ ସବୁ କଥା ଅଢେଇ ଦିନିଆଁ । 

ଦିନେ ଆସିଛନ୍ତି ଦିନେ ତ ଯିବେ,

ଗଲାବେଳେ ସାଥେ କଅଣ ନେବେ । 

ଏକା ଜଗନ୍ନାଥ ନାମଟି ସାର,

ଆଉ ସବୁ କଥା ପଛେ ବିଚାର ।

ସତ୍ୟ ଜଗନ୍ନାଥ ମିଛ ସଂସାର ,

ଲୋଭ ମୋହ ମାୟା ଭରା ଜୀବନ ତୁମର ।

ଘଟୁଚି ଘଟିଚି ଘଟିବ ଯାହା,

ସବୁ ଜଗନ୍ନାଥଙ୍କର ଏ ମାୟା ।

ମୁଁ ମୁଁ ମୋର ମୋର କହି ଯାହାକୁ କରୁ ଆଦର,

ଘଟରୁ ପ୍ରାଣ ଛାଡିଲେ ସବୁ ହେବ ଛାରଖାର ।

କେତେ ଦିନକୁ ମନେ କରିଛୁ ଆଣ୍ଟ ,

କି ଘେନି ଯିବୁ ଧନ ପୂରିଲେ ଆୟୁଷ ।

ଯାହା ଅରଜି ଅଛ ଏହି ମହୀରେ,

ଛାଡି ଯିବ ଯେ ସର୍ବ ସବୁ ଏଠାରେ ।

ଆସିନ ବସନ ନେଇ ନ ନେବ ବସନ,

ଆତ୍ମା ସଂଙ୍ଗରେ ଏକା ଜୀବ ତୁମ ଧର୍ମ ଜୀବଟି ଜାଣ ।

କାହାକୁ କେବେ ମନେଟି ନକର ହେୟ ,

ପିମ୍ପୁଡି ଛୋଟ ହେଲେ ବି କାମୁଡିଲେ କଷ୍ଟ ଦିଏ ଶରୀର ।

ଛୋଟ ବଡ ନ ଭାବିକି ସତ୍ୟ ପଥରେ ଚାଲ,

ସତ୍ୟର ସମ କେହି ନୁହଁନ୍ତି ସମତୁଲ ।

ସତ୍ୟ ଶାନ୍ତି ଦୟା କ୍ଷମା ଭାବ ଆଦର,

ସତ୍ୟ ସାଥେ ସଦା ଥାନ୍ତି ଜଗତ ଠାକୁର ।। 

 

କବି :- ସୁସିଲ କୁମାର ପାଣି, ପୁରୀ ।