ଯୌତୁକ ତାଲିକା ନଗଦ ଟଙ୍କାଟି
ଯୌତୁକ ତାଲିକା ନଗଦ ଟଙ୍କାଟି
ଯୌତୁକ ତାଲିକା ନଗଦ ଟଙ୍କାଟି
ପର୍ଶୁରାମ ବିଶ୍ୱାଳ
ବାଜା-ବାଣ ପ୍ରସେସନ ବିନା ଏଠି ହୁଏନାହିଁ ବାହାଘର
ଇଏ ଝିଅବାପା ଟଙ୍କା ସିନା ପ୍ରଭୁ ଜମି ବିକା ଋଣ ଭାର
ଯୌତୁକ ତାଲିକା ନଗଦ ଟଙ୍କାଟି
ବଢ଼େ ଦେଖୁଚୁ ଠାକୁର ।
ଝିଅ ବାପା ପଇସାରେ ପୁଅ ବାପା କରେ ବଡ଼ ଭୋଜିଭାତ
ମଟନ, ଚିକେନ, ପନୀର କି ନାହିଁ ବୁଝିବୁ ମିଛ କି ସତ
ବରଯାତ୍ରୀ ପାଇଁ କିଣା ହୁଏ ମଦ
ସିଏ ବି ସବୁ ତାହାର ।
ଡିମାଣ୍ଡ ଟଙ୍କାଟି କା’ କାମେ ଲାଗେନା, ନା ପୁଅ ନା ଝିଅ ଘର
ବାଟଖର୍ଚ୍ଚ ନାଆଁ ଧରି ସେ ପଇସା ବାଟେ ତା’ର କାରବାର
କରଜ ବି କରେ ପୁଅ ବାପା କାହିଁ
ବଢ଼ିବ ବୋଲି ଖାତିର ।
ବାହାଘର ଯେବେ ହବ ଏଠି ପ୍ରଭୁ ନଥିବଟି ବାଜାବାଣ
ନଥିବ ସେ ପ୍ରସେସନ, ଭୋଜିଭାତ, ହବନାହିଁ ଯେବେ ଟାଣ
ପୁଅବାପା ଖର୍ଚ୍ଚ କମିଯିବ ନିଶ୍ଚେ
କି ମାଗିବ ଝିଅ ଘର ।
ପୁଅବାପାଙ୍କୁ ତୁ ବୁଝେଇ କହିବୁ ଆହେ ଜଗତ ଠାକୁର
ବୃଥା ଖର୍ଚ୍ଚ କରି ଉଚ୍ଛନ୍ନ ନକରୁ ସିଏ ଆଉ ଝିଅ ଘର
ତା ନହେଲେ ରୋକୁ ଆଇନି ବଳରେ
ଖର୍ଚ୍ଚ ଆମ ସରକାର ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****