ଭାଗ୍ୟ
ଭାଗ୍ୟ
1 min
422
ଆକାଶ କୁସୁମ ତୋଳୁତୋଳୁ କେବେ
ଖସିଯାଏ ପାଦ ମାଟି,
ବିଚରା ମଣିଷ ଜାଣି ପାରେନାହିଁ
ଭୂମିରେ ପଡଇ ଲୋଟି ।
ସପନ ସଉଧ ବସି ଗଢୁଗଢୁ
ହୋଇଯାଏ ଚୁରମାର୍,
ଭାଗ୍ୟ ତା'ର ବାମ ହୋଇଗଲା ବୋଲି
ଝରାଏ ଲୋତକ ଧାର ।
ଚାଲୁଚାଲୁ କାହା ଜୀବନର ପଥ
ଅଧା ବାଟେ ସରିଯାଏ,
ଭାଗ୍ୟର ଖେଳରେ କିଏ ଜିତିଯାଏ
ଆଉ କିଏ ହାରିଯାଏ ।
ଭାଗ୍ୟବଳେ କିଏ ଛୁଅଁଇ ଆକାଶ
କିଏ ଯାଏ ରସାତଳ,
ଭିକ୍ଷୁକ ସୁନାର ମୁକୁଟ ପିନ୍ଧଇ
ରାଜା ଧରେ ଭିକ୍ଷାଥାଳ ।
ମଣିଷ ନାଶାର ଦଉଡି ସର୍ବଦା
ଭାଗ୍ୟ ହସ୍ତେ ରହିଥାଇ,
ଯିଏ ଯେଉଁପରି କରମ କରଇ
ସେପରି ଫଳ ଦିଅଉ ।