ଆଖି ବୁଜି ଦେଲେ
ଆଖି ବୁଜି ଦେଲେ
1 min
6.5K
ଆଖି ବୁଜି ଦେଲେ ହୃଦୟ ଭିତରେ
ତୁମେ ଦିଶ ଜକ ଜକ
ନାକ ରୁନ୍ଧି ଦେଲେ ତୁମ ନାମାବଳି
ମନ କରୁ ଥାଏ ଜପ ।
ଏତିକି ମାତର ମିନତି ମୋହର
ଲୋଡା ନାହିଁ ଆଖି କାନ
କରିଦିଅ ମୋତେ ଅନ୍ଧ ବଧିର
ଜପିବାକୁ ତୁମ ନାମ -
ତୁମ ନାମେ ମିଳେ - ସରଗ ସୁଷମା -
ତୁମେ ଭୋକିଲାର ଭୋକ ।
ଚୌଦିଗ ଯାହା ଏ ଆଖି ଦେଖଇ
ତୁମେ ତା' ର ଅଧୀଶ୍ଵର
ଚୌରାଅଶୀ ଲକ୍ଷ ତୋ ' ଠାରୁ ଜନମ
ପିତା ତୁମେ ସେ ' ସବୁର -
ତୁମ ବିନା ଏଇ ମୁଖର ଜଗତ
ନିମିଷକେ ହେବ ମୁକ ।
ଦିଅ ଆତ୍ମ ଞ୍ଜାନ ଚିନ୍ମୟ ଚିନ୍ତନ
କରିବାକୁ ଅନୁକ୍ଷଣେ
ମୁଁ କିଏ ! ମାତର ମୋର ଅଧିକାର
ଜାଣିବାକୁ ଇଚ୍ଛା ମନେ
ଇଚ୍ଛାମୟ ତୁମ ଇଚ୍ଛାରେ ଚାଲଇ
ଏ ଦୁନିଆ ରଥ ଚକ ।।
ଭକ୍ତ ଚରଣ ମଲ୍ଲ ।