ଅପେକ୍ଷା

ରିମା କାନ୍ଦୁଅଛି ଅତି ବିକଳରେ

କୁଆଡେ ଗଲୁ ମୋ ଲୁସି,

ତୋ ଆସିବା ବାଟ ଅପେକ୍ଷା କରିଛି ଦାଣ୍ଡଦୁଆରେ ମୁଁ ବସି l

ଖାଇବାକୁ ମୋତେ ଭଲ ଲାଗୁନାହିଁ

ହୋଇଗଲି ମୁଁ ଏକା,

ମୋହରି ପାଖକୁ ଜଲଦି ଆସେ ତୁ

ଦେବୁନି ମୋତେ ଧୋକା l

ମୋର ମାଆବାବା ତୋତେ ଦୂରେଇଲେ

ତୋର ଲୋମ, ଲାଳ ପାଇଁ,

ଡାକ୍ତର କହନ୍ତି ଏସବୁ ବିପଦ

ମଣିଷ ମାନଙ୍କ ପାଇଁ l

ଧନ ଲୁସି ମୋର କୋଳକୁ ଆସିଲେ

ଭଉଣୀ ପରି ତୁ ଲାଗୁ,

ଥରେ ଚାଟିଦେଲେ ଅତି ସେନେହରେ

ଗାଳି ଭୂଲିଯାଏ ସବୁ l

ପଢିବାକୁ ମୋତେ ଭଲ ଲାଗୁନାହିଁ

ମାଆଯେ ଦିଅନ୍ତି ଗାଳି,

ତୋରବିନା ମୁଁ ରହିବି କେମିତି

ଅପେକ୍ଷା କରିଛି ଖାଲି l

ବାବା ଛାଡିଦେଲେ ମାମୁଁ ଘରେ ତୋତେ

ଯାଇ ପାରିବିନି ଏବେ,

ଆଖିର ଲୁହ ମୋ ଜମା ସୁଖୁନାହିଁ

ଦେଖିବି ମୁଁ ତୋତେ କେବେ l

ବାବା କହୁଛନ୍ତି ଛୋଟ ପିଲାଟି ମୁଁ

କାଳେ ତୁ କାମୁଡି ଦେବୁ,

ସବୁଠୁ ନିଜର ତୁ ପରା ମୋହର

କେମିତି ସେଠାରେ ଥିବୁ l

ସୁକାନ୍ତି ହୋତା

ତାଳଚେର

7008819476