ପ୍ରେମ
ପ୍ରେମ
“ପ୍ରେମ”
ଦୀପକ ଷଡଙ୍ଗୀ
ପ୍ରେମ ସବୁ ବର୍ଷର ଗଜଲ
ପ୍ରେମ ସବୁ ସ୍ମୃତିର ଫସଲ
ପ୍ରେମ ସବୁ ଜହ୍ନର ଶୀତଳତା
ପ୍ରେମ ସବୁ ଅଳ୍ପ ର ନୀରବତା ।
ପ୍ରେମ କେବେ ପୁଣ୍ୟ କେବେ ପୁଣି ମିଠା ପାପ
ପ୍ରେମ ସବୁ ମଣିଷର ଗହନ ମନର ଗପ ।
ପ୍ରେମ କେବେ ଢାଳେ ଲୁହ କେବେ ଖୋଜେ ନିଦ
ପ୍ରେମ କେବେ ହୋଇଯାଏ ପୁଣି ଅଭୁଲା ପ୍ରୀତିର ସମ୍ବାଦ
ପ୍ରେମ କେବେ ମୋତିଝରା ମମତାମହଲ
ଭରା କ୍ଷେତେ ପୁଣି କେବେ ଉଜୁଡା ଫସଲ ।
ପ୍ରେମରେ ନଥାଏ ପାଇବାର ଆଶା
ଭଲ ପାଇବାତ ପ୍ରେମିକର ନିଶା ।
ପ୍ରେମ ହିଁ ପୂଜା ଆରାଧନା ପ୍ରେମିକର ଆକୁଳ ପ୍ରାଥନା
ପ୍ରେମ ପାଇଁ କେତେ ବନ୍ଦନା ଆଉ ଅର୍ଚନା ।
ପ୍ରେମ ପୃଥିବୀର ଅମାପ ପରିଧି
ପରିଚୟ ଯାର ଅତଳ ବାରିଧି
ପ୍ରେମ ହିଁ ପବିତ୍ର ପ୍ରେମ ହିଁ ଶାଶ୍ଵତ
ପ୍ରେମ ହିଁ କରିପାରେ ଏ ବିଶ୍ଵ କୁ ମୋହିତ ।
ସହକାରୀ ଅଧ୍ୟାପକ
ରୋଲାଣ୍ଡ୍ ଫାର୍ମାସୀ ମହାବିଦ୍ୟାଳୟ
ଖୋଡାସିଙ୍ଗୀ,ବ୍ରହ୍ମପୁର-୧୦