ତୁମ ବିନା ପ୍ରିୟା
ତୁମ ବିନା ପ୍ରିୟା
ତୁମ ବିନା ପ୍ରିୟା
ଆଭାକାନ୍ତ ମହାନ୍ତି
ତୁମ ବିନା ପ୍ରିୟା ଚାଲିବା ଜାଣିନି
ତୁମେ ତ ପଡ଼ିଲ ଥକି
କେମିତି ଚାଲିବି ଆୟୁଷ ଅନ୍ଧାରେ
ଅଛି କେତେ ବାଟ ବାକି । ୦ ।
ବହୁ କଳପନା ଅନେକ ସପନ
ବାଛିଛି ଯା' ଆଜିଯାଏ
ଚିନ୍ତନର ମୋର ପ୍ରତିଟି ଛକରେ
ତୁମେ ବସିଥାଅ ପାଏଁ
ଆଗକୁ ବିଭୋରେ ଚାଲିବି ଚାହୁଁଛି
ତୁମେ କିଆଁ ଯାଅ ରୁକି । ୧ ।
ଅବାରିତ ପରା ଆଗେଇବା ଧାରା
ସମୟର ସରଣୀରେ
କଥା ଦେଇ ଥକି ବସିଲ କାହିଁକି
ଅପାରଗେ ଧରଣୀରେ
କାନ୍ଧେ ବୋହି ବାକି ବାଟ ଚାଲିଲେ ବି
ପ୍ରତିଜ୍ଞାକୁ ଦେଲ ଠକି । ୨ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****