ହେ ଜଗନ୍ନାଥ

ଏଇ ଜୀବନ ଦୀପ ଯେବେ ଲିଭିଯିବ,

ନା ମୁଁ ତୁମ ଭେଟ ପାଇବି

ନା ତୁମେ ମୋ ଭେଟ ପାଇବ । (ସ୍ଥାୟୀ)

ଅତୀତ ସମୟ କେବେ ଆଉ ଥରେ ଆସିଛି,

ମଉଳିଲା ଫୁଲ କେବେ ବାସଭରା ହୋଇଛି ।

ଯଉବନ ରୂପ ରଙ୍ଗ ଅଢେଇ ଦିନ,

ଜନମ ଲଭିଛ ଯେବେ ହେବ ମରଣ ।

ମରିଗଲା ପରେ ସବୁ ସମାପ୍ତ ଘଟିବ,

ସବୁ ସମୟ କହିବ .... (ଅନ୍ତରା)

ମରିଗଲା ପରେ ଜୀବ କେବେ ବଞ୍ଚି ପାରିଛି,

ଝଡିଗଲା ପରେ ପତ୍ର କେବେ ଯୋଡି ହୋଇଛି ।

କହିଥିବା କଥା କେବେ ଫେରି ଆସିବ,

ଦୁଃଖ ସମୟରେ କୁହ କିଏ ହସିବ ।

ଦିନେ ନା ଦିନେ ଏ ରଙ୍ଗ ଫିକା ପଡିଯିବ,

ସବୁ ସମୟ କହିବ .... (ଅନ୍ତରା)

ସ୍ମୃତିଭିଜା ପିଲାଦିନ କେବେ ଫେରି ଆସିଛି,

ପର ନିନ୍ଦା ପାଞ୍ଚି କିଏ କେତେ ଦିନ ବଞ୍ଚିଛି ।

ରାତି ପରେ ଦିନ ହୁଏ ଜାଣେ ଜଗତ,

ମିଛ କେବେ ହେବ କୁହ ନିଜ ରକତ ।

ଆଜିର ଭୋଗ ବିଳାସ କାଲି ନ ମିଳିବ,

ସବୁ ସମୟ କହିବ ... (ଅନ୍ତରା)

କବି କୁଟୀର

ଦଣ୍ଡାସିଂହା,ବାରକୋଟ,

ଦେବଗଡ (ଓଡିଶା)

ମୋ-୯୬୬୮୨୪୨୭୨୦