ତୋ ପାଇଁ

କୁଳୁକୁଳୁ ହୋଇ ଝରଇ ଝରଣା

ଝରଝର ଝରେ ପାଣି,

ଆଞ୍ଜୁଳା ଆଞ୍ଜୁଳା ଆଣି ପିଉଛି ମୁଁ

ତଥାପି ଶୋଷ ମୋ ମେଣ୍ଟୁନି ।

ଫିକା ଫିକା ଜହ୍ନ ଆଲୁଅରେ

ଯେବେ ମୁଁ ଦେଖିଲି ତାକୁ,

ନିଜର ନିଜର ମୋତେ ଲାଗିଲା ସେ

ଭୁଲିଗଲି ଦୁନିଆକୁ ।

ଲାଜ ଲାଜ ତାର ଦୁଇ ଆଖି

ପ୍ରେମରେ ଗଲି ମୁଁ ପଡି,

ପ୍ରେମିକା ସାଜି ଚାଲଇ ମୋ ସପନେ

ଲାଲ୍ ଟୁକୁଟୁକୁ ସାଧବାଣି ପରି ।

ମନେ ମନେ ତାକୁ ଭଲପାଉଥିଲି

ଓଠ ଖୋଲି ପାରିଲିନି କହି,

ସପନେ ଆସି ମୋ ପାଖେ ବସି

କହେ ମୁଁ ତୋ ପାଇଁ, ତୁ ମୋ ପାଇଁ ।

© ପ୍ରଶାନ୍ତ ସେନାପତି