କେ ଆଉ ଡାକିବ ତୋତେ
କେ ଆଉ ଡାକିବ ତୋତେ
ତୋ ଉପରେ ଏତେ ଭରସା କଲାରୁ
ମୁହଁ ମୋଡୁଅଛୁ ମୋତେ ,
ଗୁମର ଯେତେକ ଖୋଲି କହିଦେବି
କେ ଆଉ ଡାକିବ ତୋତେ !(ଘୋଷା)
ଆପଣାର ଭାବି,ଭାବରେ ଡାକିଲେ
କପଟ କରୁଛୁ ଭାରି ,
ଭକତ ବାନ୍ଧବ ବୋଲାଇ ବୋଲାଇ
ମହତ ଦେଉଛୁ ସାରି ।
ବଡ଼ଦିଅଁ ବୋଲି ,ତୁଚ୍ଛାଟାରେ ଖାଲି
ହୁରି ପଡୁଅଛି ଏତେ ।(୧)
ଗୁମର ଯେତେକ ଖୋଲି କହିଦେବି
କେ ଆଉ ଡାକିବ ତୋତେ !
ଦୟାମୟ ବୋଲି ନାଆଁ ବହିଅଛୁ
ଲୋକ ଦେଖାଣିଆ ଖାଲି ,
ଷାଠିଏ ପଉଟି ଭୋଗ ଖାଇଦେଇ
ଏଉଡ଼ି ମାରୁଛୁ ହଲି ।
ସେଇଥିରେ ପୁଣି ଏଡ଼େ ମୁହଁ ଟାଣ
ଯେମିତି କାମିକା କେତେ ।(୨)
ଗୁମର ଯେତେକ ଖୋଲି କହିଦେବି
କେ ଆଉ ଡାକିବ ତୋତେ !
ତୋ ଉପରେ ଏତେ ଭରସା କଲାରୁ
ମୁହଁ ମୋଡୁଅଛୁ ମୋତେ ,
ଗୁମର ଯେତେକ ଖୋଲି କହିଦେବି
କେ ଆଉ ଡାକିବ ତୋତେ....
କେ ଆଉ ଡାକିବ ତୋତେ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।