ଏ ଜୋଛନାଝରା ରାତି ଅକାରଣ

              ଏ ଜୋଛନା ଝରା ରାତି ଅକାରଣ

 

                                           ଆଭାକାନ୍ତ ମହାନ୍ତି

 

                      ଜୋଛନା ଝରା ଏଇ ରାତି ଅକାରଣ

                                ପ୍ରିୟା ତୁମ ବିହୁନେ

                      ବଉଦ କୋଳରୁ ଜହ୍ନଟା ଆଜି ଗୋ

                                ଦେଖି ମୋତେ ଥଟ୍ଟା କରେ । ୦ ।

 

                       ହେନା ଫୁଲୁ ବାସ ଚୋରାଇ ପବନ

                                 ବଳେ ପାଖେ ଆଣି ଜଗାଏ କମ୍ପନ

                       ତୁମେ ଦୂରେ ସାଥୀ       ତେଣୁ ଏଇ ରାତି

                                 କାଟେ ତୁମ ସ୍ମୃତି ବଶେ  । ୧ ।

                

                      କାହିଁକି କେଜାଣି          ଯେତେ ବି ଚାହିଁଲେ

                                 ଆଖିକୁ ନିଦ ନ ଆସେ

                      ବିରହ ବଇଁଶି          ବାଜି ଉଠେ ଖାଲି

                                   ମୋ ମନ ଗହନରେ । ୨ ।

 

                       ନିଦ କୋଳେ ତୁମେ ନିଜକୁ ହଜାଇ

                              ସପନ-ରାଇଜେ ଘୂରୁଥିବ ଯାଇ

                      ଏକା ଏକା ରାତି          ଅସହ୍ୟ ହେଉଛି

                             ଏଥିରୁ ବୁଝିବ ଯାହା । ୩ ।

                   

                      ଦେଖି ଏଇ ଜହ୍ନ           ବିଳପଇ ମନ

                             ଖାଲି ପ୍ରିୟା ପ୍ରିୟା ପ୍ରିୟା

                     ସାର ସିନା ଆଜି ହଜିଯିବାଟା ଗୋ

                            ବସି ବସି କଳ୍ପନାରେ । ୪ ।

 

                                            ନୂଆସାହି, ବିଡ଼ାନାସୀ

                                                     କଟକ-୭୫୩୦୧୪

                                                    ଫୋନ୍-୯୦୪୦୦୦୩୧୦୧